„Учам за ракувач на рударски машини. Од мал ги сакав овие машини и веќе со ова ми е исплнета желбата“, рече Драганчо Тасевски. „

Вкупно 26 ученици од трета и четврта година од СОУ „Таки Даскало“ изведуваа практична работа во РЕК Битола секој понеделник, среда и четврток, а за првпат откако се реализира активноста комбинатот годинава обезбеди превоз, заштитна опрема и оброк за учениците и професорите.

„Продлабочување на соработката со стручните училишта во Битола во кои се изучуваат предмети сродни на потребите на РЕК Битола останува предизвик за комбинатот и во иднина. Согласно најавите за унапредување на дуалното образование во земјава, РЕК Битола има намера да внесе дополнителен квалитет во практичната настава, со што ќе се намали јазот помеѓу понудата и побарувачката на стручен кадар на пазарот на труд и ќе се зголеми процентот на вработени млади лица“, велат од РЕК „Битола“.