Интегрална изјава на  Анета Ѓоргиевска советник на ВМРО-ДПМНЕ  во општина Битола: 

„Во недостаток на аргументи СДС продолжува со лични дискредитации, сатанизирање на уметници пропагирајќи ја нивната позната теза дека културата во Битола се користи за перење на пари. Ве повикуваме јавно да излезете со докази за наводен криминал и ве прашуваме дали со овие тврдења сакате да кажете дека во последните 20 месеци во пералната на пари учествувал и Симон Трпчевски, Меморија, Каролина Гочева, МКЦ Битола, Француската алијанса, НУ центар за култура, НУ Народен театар Битола, Владимир Костов, камерни и симфониски оркестри, театри од земјава и светот и уште стотици уметници поддржани од Општина Битола?

Јавната општинска установа КИЦ Битола е ваша творба за која кажувавте дека ќе биде установа која ќе го одржува толку извиканиот Офицерски дом а сега ви смета што истата таа установа троши буџетски пари. Кога лажевте за успешниот проект сега или тогаш?

Со ваквите клевети, навреди и јавно дискредитирање на уметниците и прес конференции без ниту еден аргумент само ја деградираат уметноста, уметниците а ги дискриминираат сите оние кои сакаат да посетуваат културни настани, илјадниците туристи и вљубеници во уметноста.

Времето кога 8 милиони се трошеа на култура без јавни огласи и без никаква видливост помина, дали притисокот кој го наметнувате со ваквиот наратив значи дека сите национални институции треба да прекинат со работа или ова се однесува само на Општина Битола?

На крајот ве повикуваме да престанете да создавате партиска култура а да градите културна политика која ќе биде на задоволство на сите битолчани.

Дајте аргументи и решенија доста е шарени лаги и дисквалификации, на уметниците може да им скратите се освен талентот и љубовта кон уметноста“, рече Ѓоргиевска. 

Советот функционира беспрекорно во полн состав и капацитет, за што заслуга имаат советниците од сите советнички групи без разлика на политичката опција која ја претставуваат.

Советот ги носи сите одлуки кои се во негова надлежност, како на седници, така и преку работата на своите комисии и тела. 

Но, проблемот се појавува кога Градоначалникот и неговата екипа, се обидуваат да изигруваат Совет и да наметнуваат свои желби и амбиции преку Советот, на моменти прават обиди да го заобиколат Советот, за на крај откако Советот им даде јасно до знаење во многу наврати, дека ваквото однесување е недозволиво и неприфатливо, да се обидат целата вина за нивната неспособност да раководат со Општина Битола да ја префрлат врз Советот.

Затоа, од оваа говорница која се наоѓа токму во зградата на Советот на Општина Битола, јавно, јасно и гласно го повикувам Градоначалникот Тони Коњановски да почне да се занимава со завршување на работите за кои е дебело платен од Битолчани, а од пред некој ден дури и со 78% проценти повеќе, да си ја задолжи екипата во администрацијата во општината да изработи и да предложи ребаланс на буџет до Советот на Општина Битола, за да не ги закочи и закотви сите процеси во градот.

Откако ќе се обиде да го стори ова, да престани да се жали по прес-конференции и јавни обраќања, дека советот не му одобрил средства, бидејќи за да има средства кои тој толку ревносно ги бара, тој е фигурата која треба да предложи ребаланс ! 

Ама изгледа дека Градоначалникот иако е изгласан од битолчани, повеќе се грижи за  состојбите во другите општини, бидејќи последниот период го гледаме дека таму “решава” проблеми, најверојатно одработувајќи некаква партиска агенда, додека Битола го чека да проработи.

Посебно задоволство ми е да истакнам дека сите одлуки кои се однесуваат за реализација на проекти за Битола, Советот ги има донесено навремено и одговорно од кои најголемиот дел се донесени ЕДНОГЛАСНО. Не постои ниту една закочена одлука во Советот, која е во интерес на градот !

Апелирам, во продолжение, да си ги “прибери”директорите на јавните претпријатија, па место да држат прес-конференции и да прават Фејсбук маркетинг, нека потрошат од платеното време од граѓаните на Битола за да сработат се она за што се платени, бидејќи сите Ние гледаме како се работи и колку се работи. Ви порачувам, фатете се за работа, немаме потреба да Ни читате партиски памфлети и голи соопштенија, сработеното секогаш се гледа на дело !

На крај, Советот на Општина Битола, ниту досега блокирал, ниту отсега ќе блокира добри проекти и одлуки за градот, а тоа значи само едно: дека и покрај слабиот градоначалник Битола има силен, одговорен и разумен совет, рече Габриела Илиевска од Поинаку, претседателка на Совет, на денешаната прес конференција.  

Како ЗП Битола сакаме да ги демантираме изнесените невистини и обвинувања од страна на група пензионери на пресот одржан вчера. Ќе се задржам редоследно на сите три нивни барања со цел јавноста да ја запознаеме со вистината.

Не е точно дека СЗПМ не се залага за покачување на пензиите и дека не го отворил ова прашање.

СЗПМ перманентно работи и се залага за зголемување стандардот на пензионерите преку зголемување на пензиите. Јас сум член во ИО и Собранието на Сојузот и знам точно што се работи и што се има направено СЗПM во делот на зголемување и усогласувањето на пензиите во изминатиот период.

Имено до 2022 год. пензиите се зголемуваа само по еден основ и тоа процентот на порастот на трошоците за живот, a процентот на порастот на животните трошоци во изминатите години беше   низок (немаше пандемија немаше еконска криза) така да и порастот на пензиите беше минимално.

Со новата методологија која ја предложи СЗПМ заедно со преставници на здруженијата од Македонија, кои учествуваа на повеќе средби и дебати со преставници од МТСП, како и други релевантни институции од таа област се договорија оваа методологија да биде прифатена и инкорпорирана во закон. Тоа и се случи минатата година, а тоа значи дека пензиите ќе се усогласуваат два пати во годината и тоа во март и септември согласно двата параметри и тоа 50% од процентот на порастот на трошоците за живот и 50% од процентот на порастот на платите на вработените во РСМ.

Така во 2022 год. пензиите се зголемија скоро за 10%, додека со процентите објавени во м. март 2023 год се зголемија за 8,4% и второто зголемување ке следи во м. септември. Ова е законско решение и никој не може да го промени.

Поголемо зголемување на пензиите и досега немало. СЗПМ не застанува тука и понатаму предлага и бара подобрување и усогласување со закон на минималната пензија со минималната плата. Исто така се предлага покачувањето што беше за добиено во м. Април за мартовската плата 2023 год. да се исплаќа ретроградно од месец јануари.

Околу посредувањето, набавката и цената на огревното дрво. Минатата година мораме да признаеме дека беше многу тешка. Луѓето исплашени од економската криза од гласините дека цената на струјата ќе биде висока и дека нема да ја има доволно (што се покажа дека не точно) не само пензионерите, туку и многу граѓани, кои се затоплуваа со струја, бараа да набават дрва за секоја сигурност.

Побарувачката за огревно дрво и зголемувањето и цената на нафтата и нафтените деривати доведоа до зголемување на цената на огревното дрво. Превозниците побаа 200 ден плус по метар просторен за превоз и се заканија дека нема да носат ако не им се иплати. ЗП Битола по долги преговори со превозниците ИО донесе одлука Здружението да субвенционира по 100 ден. по мпр. за количините кои не беа донесени се со цел огревното дрво да стигне до пензионерите, и да не бидат изложени на дополнително плаќања.

Од друга страна, во месец август ЈП „Национални шуми“ на РМ со одлука на владата, цената на огревното дрво ја зголеми за 20%. Тоа беше уште еден шок за нас и за пензионерите Брзо реагиравме, а имавме и среќа што директорот на ЈП „Национални шуми“ Валентин Груевски по наше упорно барање и барање од СЗПМ, тој се обврза управениот одбор на ЈП „Национални шуми“ да донеси одлука, цената на огревното дрво да остани непроменета   за договорените количини дрва за пензионерите, а парите да се уплатат 100%. Во тој период цената на пазарот на огревното дрво достигна и до 6.000 ден.

Од тие причини ИО и СОБРАНИЕТО на ЗП Битола донесоа заклучоци ЗП Битола во 2023 год. да не посредува при набавката на огревно дрво од причини што испораката доцнеше до м. февруари наредната година, односно многу пензионери во зимските денови останаа без огревно дрво.

Сепак, заради грижата на изнемоштени стари болни и осамени пензионери кои не се во состојба да се снабдуваат со огрев, повторно се одлучивме да посредуваме при обезбедувањето на огревно дрво за пензионерите, со плаќање на 5 рати.

„Цената на огревното дрво е многу висока“ Точно дека е висока. Со превозниците имавме неколку средби и бараа 5000 ден по мпр. По наше настојувавме и убедување за цената да биде пониска, укажувајќи им дека се работи за пензионери со ниски примања, болни и самци кои не се способни да набават дрва, за да на крајот се договоривме на 4.800 ден за 1 мпр. Точно е дека склучуваме договори со пензионерите поединачно за посредување при набавка за огревно дрва од причина што Подрачните служби на ЈП „Националните шуми“ Битола, Ресен, и Д. Хисар не се потпишуваа во договорите како гаранти дека ќе ги донесат дрвата на време и дека договорената цена ќе остани иста.

Договорите се склучени со превозници кои се регистрирани и лиценцирани за таа дејност, кои ни ги понудија споменатите подружници и потврдија дека добиле на тендер за сеча на огревно дрво за 2023 год.

Со приватници и поедици не сакаме да склучуваме договори и да ризикуваме затоа што имаат мали количини и нема сигурност дека ке ги обезбедат.

Нагласувам дека ЗП Битола само посредува при набавката на дрва. Плаќането да биде на рати и се грижи, на време да пристигнат до пензионерите без никаков надоместок. Како што се носат дрвата превозниците доставуваат фактури кои во договорениот рок се плаќаат на превозниците, а за кои пари прашуваат каде се и каде одат јас не ги рабирам ????

По прашањето за градскиот и приградскиот превоз- договорите за превоз ги склучи Советот на Општина Битола со превозниците, а не здружението на пензионери 

ЗП Битола до 2021 год. имаше склучено договори со 5 превозници од Битола ,пензионерите да се возат со 50% пониска цена од возниот билет за градскиот и приградскиот сообракај на определените дестинации од Советот на Општина Битола. Во почетокот на 2022 год . Советот на Општина Битола донесе одлука и склучи договори со превозниците, пензионерите во вторник и петок да се возат бесплатно. Ние оваа одлука ја поздравивме и веднаш стапивме во контакт со превозниците и побаравме да склучиме договори за останатите денови пензионерите да се возат со 50% пониска цена од возниот билет. Тие не прифатија со одговор дека доволни му се договорите со Општина Битола и дека не им се исплаќа за пензионерите да ги возат како што ние побаравме. Покасно не знаме од кои причини целодневното возење во вторник и петок им беше скратено на пензионерите и сведено на неколку саати наутро и навечер. Но, тоа се однесува на договорот што превозниците го склучиле со Општината и за тоа ние не можеме ни да одговараме, ни да бидеме прогласувани од некого за виновни.

Пензионерите револтирани доаѓаа кај нас во здружението се жалеа дека сабајле е рано за нив на вечер им е касно во зимските месеци рано се стемнува. Испративме писмо до Општина Битола за овај проблем да ни објаснат што се случува и како да го решиме со цел и во интерес на пензионерите. До денес не добивме одговор“, рече Даница Петличкова, претседател на Здружението на пензионери од Битола.  

Група пензионери предводени од Стево Бојаџиев, Антонио Димитровски, Пеце Гаштаров и други битолчани одржаа прес конференција упатувајќи прашања до Сојузот и Здружението на пензионери во врска со висината на пензиите, цената на огревното дрво и автобускиот превоз.

До Сојузот на здруженијата на пензионери упатија прашање дали зголемувањето на пензиите воопшто го имаат поставено на дневен ред во последните години?

„Пензиите заостануваат во однос на зголемувањето на платите и животните трошоци. Зголемувањето, односно усогласувањето на пензиите согласно закон, во последните години е занемарливо и просечниот раст за последните 4,5 години изнесува околу 2,8 проценти, што е минорно. Секоја година животниот стандард на пензионерите опаѓа, а особено инфлацијата во последните три години покажува висок раст кај основните прехрамбени продукти, струјата, транспортот и друго , па пензионерите со ниска просечна пезнија не можат да ги покријат животните трошоци“, рече Бојаџиев.

Групата пензионери упати прашање до битолското Здужение зошто е зголемена цената на огревното дрво од 3100 денари во 2022 година на 4800 денари годинава. Рекоа дека набавката на огревно дрво преку одредени приватни субјекти е понисока во однос на цената која ја нуди здружението. „Прашуваме каде се трошат тие пари“, рече Бојаџиев.

„Пред пандемијата пензионерите се возеа со градскиот и приградскиот превоз со автобуси по 50 проценти пониска цена од редовната, а здружението на пензионери дотираше одредена сум на пари за превозниците. Прашуваме зошто таа услуга е укината и зошто повторно не се воспостави кога се знае дека Здружението на пензионери од Битола располага со доволно финансиски средства“, беше истакнати од групата пензионери.

Во четврток на 8 јуни со почеток од 19 часот во КИЦ - Офицерскиот дом во Битола со свечен концерт ќе започне Меѓународниот натпревар Пијанофест 2023. На концертот ќе настапи минатогодишниот лауреат на Пијанофест 2022, Лара Арбајтер од Србија, како и Маргарита Вујовиќ на пијано и Анастасија Холц - сопран, исто така од Србија. Натпреварувачкиот дел ќе започне на 9 јуни и ќе трае до 11 истиот месец. Оваа година Пијанофест освен дисциплината пијано и пијано четирирачно, збогатен е со уште една дисциплина - соло пеење. И во двете дисциплини учесниците се поделени во категории од 6 години па нагоре, според возраста и тоа во 8 категории во дисциплината пијано и 6 категории во категоријата соло пеење.

Поднесуваме барање за слободен пристап до информации онака како што советникот Ѓорги Ѓоргиевски поднел до Општина Битола на што му одговориле дека Општината има нула доспеани обврски, дека сметката е позитивна и дека не должи, односно нема побарувања од нити еден економски оператор.

Со ова ќе имаме реална евиденција за состојбата на сметката и дали е точно она што го изнесоа во медиумите, а за кое знаеме дека не е точно, сега ќе го побараме од Општината и официјално ќе го споделиме со медиумите и јавноста за да се знае дека онаа дневна политика или политиканство купи ден помини не им врви“, рече Борче Корлевски, советник од СДСМ.