Ученици од Битола имаа несекојдневна можност да присуствуваат на литературно читање со една од најпознатите австриски писателки за деца, Ренате Велш, што се одржа во Универзитетската библиотека „Св. Климент Охридски“ во Битола, но и да ѝ покажат колку добро научиле да го зборуваат германскиот јазик во своите училишта.

Писателката Велш на своите седумдесет години допатува во Битола и на учениците лично им прочита извадоци од своите раскази наменети за деца, а потоа им раскажуваше за својот живот, мотовацијата за творење, па дури и за тешките периоди што ги поминала за време на Втората светска војна.

„Таа е уникатна авторка на над 80 дела читани и преведувани на многу јазици. Нејзините дела се многу наградувани. Таа е повеќекратен добитник на Австриската државна награда, Наградата на градот Виена, за романот „Јохана“ беше одликувана со Германската награда за литература за деца и млади. Нејзиниот целокупен творечки опус беше одликуван со награда за животно дело во 1995 година“, рече наставничката по германски јазик Симона Монавчева.

Учениците од битолските основни училишта „Елпида Карамнади“ предводени од наставничката Билјана Митковска, „Гоце Делчев“ од Елена Поповска и Афродита Бахан и „Тодор Ангелевски“ од Симона Монавчева пред австриската писателка се претставија со драматизации на нејзини дела. Тие неа ѝ подарија свои изработки поврзани со темите од делата, а таа воодушевена од топлиот прием им подари автограм.

„Ова е исклучителна можност во Битола да бидеме почестени со еден брилијантен автор, кој добил 25 награди за своето творештво. Студирала англиски, шпански и државни науки и од 1970 година пишува книги за деца, млади и возрасни. Живее во Виена. Нејзините книги, за жал, не се преведени на македонски јазик, а во Библиотеката има 6 наслови кои се дел од австриската збирка, благодарение на австрискиот конзул д-р Валентина Илиева“, рече директорката на Библиотеката, Јелена Петровска.

Локациите на Пелистер се многу познати, но ретко кој го знае значењето на топонимите кои кријат многу историски вистини и љубовни легенди.

Младите ротаријанци од Ротаракт клубот „Широк Сокак“ со донација во постелнини и други текстилни материјали ги подновија одделенијата каде на свет доаѓа приновата во градот, Гинеколошкото одделение и Одделението за неонатологија при Клиничка болница во Битола. Донацијата е во вредност од 1300 евра односно 80 000 денари и се состои од постелнини, и тоа јоргани, перници, заштитници за душеци, баљарки, крпи со висок квалитет.

Како што изјави портпаролката на болницата Сузана Конеска, со ова се покрија потребите од ваков тип на постелнини и други материјали на овие две одделенија.

Менаџерскиот тим на Клиничката болница Битола во свое име и во име на пацинетите им се заблагодари на донаторите и изрази надеж дека соработката со Ротаракт клубот „Широк Сокак“ од Битола, предводен од претседателот Јане Велковски, ќе продолжи и понатаму.

Сопственикот на познатата компанија „Искра“ од Словенија планира да помогне во изградба на прочистителна станица на Пелистер во делот кај хотелот „Молика“. Оваа иницијатива беше обелоденета за време на денешната посета на словенечката делегација предводена од амбасадорот Милан Јазбец на Општина Битола.

Општина Битола ќе соработува со Црна Гора за време на престојното Битолско културно лето, беше соопштено на денешната средба на црногорскиот амбасадор Предраг Митровиќ и битолската градоначалничка Наташа Петровска.

Советниците од независната листа „Поинаку“ ја напуштија седницата на Совет додека на неа се разгледуваше и гласаше завршната сметка на Општина Битола за 2017 година.

ВМРО-ДПМНЕ на денешната седница на Совет тврдеше дека Општина Битола има помалку долгови од јавно презентираните и дека ако се вкалкулираат и побарувањата, тогаш ќе испадне дека е во позитива. Од советничкото мнозинство предводено од СДСМ рекоа дека опозицијата си игра весела мактематика и дека дури и по пет месеци од заминувањето на Владимир Талески од петни жили го брани неговото работење.

Откорнети се борчиња од жардиниери поставени на битолското Шеталиште. Ваквиот вандализам предизвика критики од битолчани кои рекреираат во овој дел од градот. Тие велат дека иако се работи за неколку дрвца, секое стебло е добредојдено во градот кој мака мачи со аерозагадувањето.