По сушните декември и јануари, Битола доживува вистинска снежна идила на крајот од февруари.

Домаќинствата и институциите во Битола во текот на зимскиот период учествуваат со 70 проценти во емисиите на ПМ честичките, согорувајќи дрво во огништата, пишува во брошурата што Регионалното здруежение на географи „Геосфера“ ја објави со детална анализа на аерозгадувањето во градот. Во Битола над 62 проценти од домаќинствата  согоруваат  дрво за затоплување. Согорувањето на дрво во емисиите на ПМ 10 честичките  учествува со 39 проценти, а во ПМ 2,5 честичките дури со 57 проценти. Често се користи огревно дрво со висок процент на влага, кое создава многу големи количини на ПМ честички.

Три ученички и две професорки од Основното училиште „Стив Наумов“ од Битола присуствуваат на едукативна средба за заштита на живтната средина што во следните пат дена се одржува во Крф, Грција. Битолчаните се дел од проектот за „Зелени училишта 2.0 за одржлива иднина“ на Еразмус плус програмата, во кој се вклучени и училишта од Италија, Португалија, Романија, Полска и Грција.

Белградскиот мецосопран Ана Синицки деновиве со родителите ја посети Битола, градот од каде потекнува нејзиното семејство. Мајка ѝ е битолчанка, а татко ѝ има руско потекло, но и тој живеел во Битола.

Иако Ана е родена во Белград, а досега живеела во Србија, Италија и САД,  таа вели дека во срцето се чувствува како битолчанка.

Дел советници од битолскиот Совет со наводно оправдување дека се на комисија  која  заседава за потребите на Советот , често отсустувале од работа, реагираат до редакцијата на  Апла.мк група битолчани. Како што е наведено, реакцијата се однесува на дел од советниците кои работат во некои од државните и општинските институции.

Утре со почеток во 12 часот во просториите на Националната установа универзитетска библиотека „Св.Климент Охридски“ во Битола во соработка со  Основното училиште „Даме Груев“ од Битола ќе се одбележи Меѓународниот ден на мајчиниот јазик.

Колку пари во изминатите години се одлеале од РЕК Битола во надворешни фирми за ископ на јаглен во комбинатот, од ВМРО-ДПМНЕ немаа одговор на денешната прес конференција, на која обвинија дека владеачката СДСМ, склучила милионски договор за ископ на јаглен во РЕК Битола во 4 очи, иако,  како што велат тие имале проект за набавка на рударска опрема со која комбинатот немаше да биде зависен од надворешни фирми.

Голем дел од ридот над Битола се руши, паѓа и во вакви услови е опасно да се пушти во употреба обиколницата, рече Валентин Груевски, претседател на Советот на Општина Битола на денешната седница на која се дискутираше за безбедноста во сообраќајот.

(Во спомен на докторот чие име денес го носи Здравствениот дом во Битола)

„Да ѝ кажеме на таа проста Европа,  никаква,  дека ние сме еретици и варвари, но не во негативна смисла. Ние сме тие и нема да се смениме ако не сакате земете нѐ , ако не на двобој“, порача битолскиот актер Огнен Дранговски на денешната прес конференција по повод новата премиера на Народниот театар „Коцкар“ по текст на Достоевски, а во режија на Дејан Пројковски.