Најголемиот и најпосетениот музеј во светот, Лувр во Франција, потоа Музејот  на Ван Гог во Амстердам и Ријкс Музејот каде се наоѓаат дела од Рембрант, исто така во Амстердам, Холандија,  добија подобри оценки од едни од светски познатите  трговски брендови како „Ролекс“, „Лего“ и „Канон“.

Годинава продолжуваат систематските археолошки ископувања  во Хераклеја Линкестис. Според годишната програма што ја објави Министерството за култура, ќе продолжат систематските археолошки ископувања на Базиликата Е, кои ќе бидат поддржани за 200 000 денари. Уште толку пари Министерството ќе издвои  за ископувања во театарскиот плоштад. Ископувањата ќе бидат изведени под надзор на експерти од страна на битолскиот Завод и музеј.

За пет години, поточно во периодот од 2013 до 2017 година Општина Могила од општинските пари потрошила 52 433 евра за кафански сметки, обвини градоначалничката Јасмина Гулевска во соопштението што денес го испрати до медиумите, а воедно го објави и на својата фејсбук страница.

„Еве како недомаќински и неодговорно се трошеле општинските пари. Од 2013година до 2017година вкупно потрошено за кафански сметки 3 224 624 денари односно 52 433 евра. Од 2013година до 2017година тендерот за прехрамбрени продукти кој го добил фамилијарно близок на претходниот градоначалник вкупно потрошени се 1 385 548 денари односно 22 565 евра. Патот е трнлив и макотрпен меѓутоа општина Могила ќе биде одговорна,домаќинска и одговорна општина“, напиша Гулевска.

Пред неа со општината раководеше екс градоначалникот Стевче Пивковски, кој на изборите во 2013 година беше независен кандидат, а на минатогодишните локални избори неговата кандидатура беше поддржана од ВМРО-ДПМНЕ.

Кривичните пријави што полицијата ги поднесе денес против ЕЛЕМ и петмина поранешни директори од РЕК „Битола“ произлегле од истрагата што била покрената по пријавата на здружението „За нас се работи“, потврдија од СВР Битола.

Црвениот Крст-Битола во соработка со СВР-Битола и општинските организации на Територијалната противпожарна единица, Дирекцијата за заштита и спасување и Службата за итна медицинска помош, денеска во основното училиште „Коле Канински“-Битола одржаа вежба за дејствување во услови на земјотрес.

Битолската полиција поднесе кривични пријави  против ЕЛЕМ  за загадување на животната средина и природа, како и против петмина поранешни директори и раководители во РЕК „Битола“, осомничени за соизвршителство во ова кривично дело. Тие пропуштиле да ги реконструираат филтрите на РЕК и дозволиле да се пропуштат штетни честички повеќе од дозволеното, а при отпепелувањето на одлагалиштето да се создаваат вртлози од пепел со што се зголемило загадувањето.   

Нема да дозволиме гасот да стигне до општина Битола, а во градот да не биде поставена примарната мрежа, рече градоначалничката на Битола, Наташа Петровска на денешната средба со директорот на Македонски енергетски ресурси-МЕР, Благојче Котевски, кој најави дека до јануари 2020 година гасоводната мрежа ќе стигне до Битола.

Во градот на кафето поскапи цената на кафето. Утринското кафе до 11 часот ќе изнесува 40 денари, а во останатиот дел од денот 50 денари.