Баба Стефана Дилева која има осудесетина години потпирајќи се на бастунот денес со голема надеж го пречека медицинскиот тим кој ќе работи во амбулантата во Бач, општина Новаци, што се отвори по 13 години за да им пружа подобра здравствена заштита на населението.

Здружението за македонско-германско пријателство и соработка од Битола денеска со креативна работилница намената за ученици го одбележа Европскиот ден на јазиците , којшто од 2001 година по предлог на Советот на Европа го слават 47 земји членки. Денешната работилница што се одржа во Универзитетската библиотека „Св. Климент Охридски“ го поттикна интересот кај учениците за изучување на што е можно повеќе јазици зашто на тој начин светот станува заеднички без јазички бариери. На штандови наставници по англиски, германски и француски јазик им презентираа на ученици од ОУ „Гоце Делчев“-Битола како на наједноствен начин се изучува странскиот јазик.

За тотален хаос и безидејност во образованието, денес на прес конференција обвини Општинскиот Комитет на ВМРО-ДПМНЕ од Битола.

„Втора учебна година започнува под раководство на оваа Влада и втора година на неисполнети обврски, тотален хаос и безидејност. Иако и локалната и централната власт имаа доволно време да се екипираат и да ги обезбедат потребните учебници, сеуште нема учебници целосно. За шесто одделение, две години се чекаат нови учебници, а децата сеуште користат прастари учебници од 2009, 2010 и 2011 година. За останатите одделенија нема нови учебници по оние предмети по кои минатата учебна година МОН ги повлече од употреба, но не знаеме колку години ќе им се потребни за да ги заменат со нови“, обвини Марина Стефановска Јовчева член на ОК ВМРО ДПМНЕ Битола.

Во недела секоја глас „за’’ носи подобра иднина за нашите деца, нивната иднина е во нашите раце и во нашиот глас, порача од Могила, генералниот секретар на СДСМ, Александар Кирацовски. Тој денес во Пелагонскиот Регион, поточно во општините Могила, Новаци и Битола и ги повика жителите масовно да излезат во недела на референдумот и да гласаат за европска Македонија.

„Во недела се соочуваме со историска одлука , сите подеднакво одлучуваме за нашата иднина и сите сме исправени пред предизвикот и изборот- дали да одлучиме за изолацијата во минатото или за напредокот во иднината? Како генерација имаме обврска да ѝ помогнеме на нашата Македонија да тргне напред, ова е одлука на нашата генерација. Клучен чекор за тоа е референдумот во недела. Во недела секоја глас „за’’ носи подобра иднина за нашите деца. Што и да направите во недела, трајно ќе влијае врз иднината на нашиот живот, врз индината на држава. Што и да направиме во недела трајно ќе влијае врз иднината на нашите деца, на идните генерации. Иднината на нашите деца е во нашите раце и во нашиот глас’’, рече Кирацовски.

Интернационалниот филмски фестивал „Браќа Манаки“, по урнекот на Булеварот на ѕвездите во Холивуд, по 39 годишно постоење, за првпат доби постојана фотографска поставка која говори за богатата историја и плејадата светски филмаџии кои продефилирале низ Битола. Поставката е во ходникот на „Епинал“, хотелот во кој обично се сместуваат легендарните филмски ѕвезди од фестивалот. Поставката содржи 20 паноа со преку 500 висококвалитетни фотографии од фестивалот.

Јас ќе бидам многу среќен да слушнам алтернатива, да слушнам дебата за алтернатива, јас слушам само дебата за индентитет, а тој е гарантиран. Денес во 21 многу е поважно да зборувате за економска моќ оти тоа ви го дава идентитетот, ако вие сте ситуирани, со добри плати, кој ќе ви го земе иденитетот, рече Кочо Анѓушев, вицепремиер за економски прашања денес на трибината во Жабени.

Јас ќе бидам многу среќен да слушнам алтернатива, да слушнам дебата за алтернатива, јас слушам само дебата за индентитет, а тој е гарантиран. Денес во 21 многу е поважно да зборувате за економска моќ оти тоа ви го дава идентитетот, ако вие сте ситуирани, со добри плати, кој ќе ви го земе иденитетот, рече Кочо Анѓушев, вицепремиер за економски прашања денес на трибината во Жабени.

Многу малку е експлоатиран вториот дел од договорот со Грција кој ги отвора сите перспетиви на соработка со нашиот јужен сосед, рече премиерот Зоран Заев на трибината за економскиот просперитет на Македонија со членството во ЕУ и НАТО што во организација на Стопанската комора на Македонија се одржа во индустриската зона Жабени. Премиерот на средбата со стопанствениците од Пелагонискиот и Преспанскиот Регион рече дека договорот отвора многу можности во делот на економијата и трговијата, па бизнисмените ги повика да се подготват за освојување на грчкиот пазат.

„Со договорот се отвораат можности е за повластено користење на пристаништето во Солун за земји кои немаат сопствени пристаништа, до сите оние аспекти кои политиката и администрацијата на двете земји треба да ги овозможи во унапредување на севкупната соработка меѓу двете земји. Конечно, нема да имаме проблем при пласирањето на нашите производи ‘made in Macedonija’, тоа е решено, оставено е три годишен период каде грчките компании сами ќе одлучат дали во северниот регион ќе пишуваат ‘made in Greece’ или ‘made in Macedonija’, ова е дел на неексклузивност на производството од двете страни“, рече Заев.

Во период на комплетно ратификување на договорот од двете страни во следните пет години тој рече дека очекуваат дуплиеање на трговската размена со Грција.

„Даноците во Грција се три до четири пати поскапи од даноците во Македонија. Тоа ќе ги прави нашите производи покомпетитивни од слични или исти производи од Грција. Транспортот е ефтин бидејќи се соседни земји. Се отвораат големи можности, кои до сега не беа така отворени пред се од политички причини, а постоеше и одредена резевра во Грција кон нашето производство и можност за пенетрација на наши производи на грчките пазари. Договорот тоа ќе го тргне и ќе отвори сериозни перспективи. Јас на битолчани и на целиот овој регион топло им препорачувам да се фокусираат на сите подготовки на освојувањето на грчкиот пазар, тоа е голем, квалитетен пазар каде можеме да го унапредиме пласманот на нашите производи, па и трговијата со Грција“, додаде Заев.

Тој уште истакна дека до крајот на 2018 година ќе биде готова и железничката пруга за Грција, за што изрази надеж дека не само што ќе овозможи поевтин транспорт, туку ќе донесе и нови инвестиции во Жабени и регионот. Како друг крупен проект го спомна гасоводот на Битола, но рече дека градот ќе има уште еден начин на греење преку топлинската енергија.

„До 2019 година гасот ќе биде до Битола. Делот со гасификација ќе биде важен за Битола, оти ете јас можам да потврдам во Струмица колку тоа значи за намалување на севкупните трошоци на команиите посебно оние кои користат енергенси како нафта, струја и други, а важен е и еколошкиот сегмент. Од 2010 година година наваму просекот на штедење во јавните институции во општина Струмица е 63 проценти, а во команиите кои се поврзани на гасификацијата е 27 проценти. Битола ќе има две опции за загревање, а тоа преку топлинска енергија, а другото преку гасоводот“, рече Заев.

Министерот за надворешни работи Никола Димитров денес се сретна со претставниците на конзуларниот дипломатски кор во Битола. Тој уште синоќа на свеченото отворање ја најави средбата велејќи  „за мене е чест што сум тука, немам баш надлежност, ама дека  е меѓународен фестивалот, тука се фаќам. Ќе се сретнам утре сабајле со конзулите.  Малку да се бавам со нешто што не е баш чиста политика“, рече Димитров. На средбата со Димитров беа дел од конзулите со кои имаа заедничи доручек со традиционални битолски питулици.

Битола вчера вечер беше центар на филмскиот свет. Филмската дива Клаудија Кардинале со својата непосредност и срдечност ја фрли филмската магија врз присутните. За разлика од други големи филмски ѕвезди кои присуствувале на Филмскиот фестивал „Браќа Манаки“, а до кои било тешко да се добереш, Клаудија се појави на црвениот тепих насеана и расположена за новинарски прашања.

Рече: „Имам 80 години, но сѐ уште работам зашто тоа ми овозможува да живеам многу животи“.