Битолчанецот Александар Лозановски ѝ предложи брак на својата девојка Софија Крстевска на видиковецот на Пелистер од каде како на дланка се гледа цела Битола. Фотографиите и куса вест за овој романтичен настан беа објавени на интернет страницата на Националниот парк Пелистер. Запросувањето беше навистина романтично. Според објавените фотогрфаии, скалите до видиковецот кој се наоѓа на Историската патека, беа послани со ливчиња од роза. Со исти такви ливчиња беше изцртано срце горе на видиковецот, поточно на местото каде Александар ја побара за жена Софија.

Битолчани во минатото биле доста инвентивни и вештините ги користеле за да се разубават празниците.

Работник од комуналното претпријатие го чисти така наречениот штит на коњаникот во центарот на Битола. Се работи за фонтаната,чиј горен дел денес беше подигнат за да се исчисти сметот што битолчани го фрлаат внатре. Инаку, фонтаната беше изградена пред неколку години за време на преходната локална власт кога пред неа беше поставен споменикот на Филип Втори, а таа требаше да го претставува штитот на Фалангата. Околу неа се долгите копја на македонската војска од античко време.   

„Враќање на долговите на училиштата (Општина Битола треба да добие 2,5 милиони евра со новиот Закон за поддршка на општините)“. 

Инаку долговите во образованието се наследени од претходната власт и изнесуваа, според изјавите од Општина Битола, 4,5 милиони евра. Дел од долгот надлежните рекоа дека е намален, а сега со помошта од државата се очекува уште поголемо растоварување. 

„Деновиве имавме посета од страна на консултантска куќа од Америка на покана на Владата, Министерството за животна средина го препрати претставникот тука, ги разгледа можностите за собирање и селекција на отпадот, количините, локацијата на новата депонија каде би била, за да може да направи посериона анализа и сето тоа да оди во една побрза динамика за доделување на концесија за регионална депонија“, рече Панде Богоевски, директор на ЈП „Комуналец“.

Јавното претпријатие „Комуналец“ во соработка со Општина Битола, градинките и училиштата кај децата од мали нозе ќе гради навики за селектирање на отпадот. Претпријатието ќе распореди 70 канти со големина од 80 литри во градинките, 42 канти од 120 литри во основните и средните училишта, како и 29 контејнери со сина и жолта боја, едните за собирање на отпадната харија, а другата за отпадната пластика.

„Ќе разговараме со директорите за оперативниот план за промотивните активности на Еко центарот во воспитно-образовните институции. Ќе извршиме промоција преку видео презентации во градинките, основните и средните училишта од каде би сакале да црпиме искуства од учениците и наставниците, а сето тоа би било предмет на обработка и анализа и на крај би резултирало со трибина на повисоко ниво со претставници на локални и државни институции надлежни за тоа. Да направиме организиран систем на мерки и активности за да ја подигаме свеста“, рече Панде Богоевски, директор на ЈП „Комуналец“.

Градоначалничката Наташа Петровска истакна дека општината секогаш ќе биде партнер во спроведувањето на проектите кои носат напредок во еколошката свест, особено кај помладата популација.

„Идејата е, на денешната средба со директорите на градинките и училиштата од градот, да се дефинираат активностите кои што следуваат, затоа што во второто полугодие ќе имаме интегриран систем на активности во кои што ќе бидат вклучени учениците, со цел од најрана возраст да стекнат навики околу подигнувањето на еколошката свест и култура. Ова треба да биде додадена вредност во процесот на образованието во образовните институции“, рече градоначалничката на Општина Битола, Наташа Петровска.

Активностите се дел од проектите „Стимулирање на учеството на граѓаните во процесите на рециклирање преку имплементација на бенефит системите” реализиран во соработка на ЈП „Комуналец“, Универзитетот „Св.Климент Охридски“ и Општина Битола и проектот „Оперативен план за реализација на промотивни активности на Еко-центарот во образовните институции“. 

Општина Битола му ги врати позајмените автобуси на Скопје. Тие беа донесени во почетокот на октомври да помогнат ако има потреба во вршењето на линискиот и школскиот превоз кога превозниците изелгоа на протести и изјави дека нема да возат по новитот предлог тарифник. Откако стигнаа во Битола, имаше многу обвинувања дека се дотраени, но превозниците уште следниот дел продолжија со превозот.

Младинската невработеност е речиси двојно поголема од просечната стапка на невработеност во Македонија, што е висок процент и покрај мерките што државата ги презема години наназад преку плаќање на придонеси за вработување на млади, субвенционирање и друго. За овој горлив проблем зборуваше Дона Костуранова од Младинскиот образовен форум од Скопје на панел дискусијата „Младите и политиките за вработување “што денес се одржа во Битола во организација на МКЦ и Фондацијата за претприемачи-сервис за млади.

Министерот за надворешни работи на Црна Гора, Срѓан Дармановиќ, изјави дека немале никакви можности да го спречат бегството на екс премиерот Никола Груевски додека минувал низ нивната држава.

„Ние не, ние немавме никакви можности , дејствувавме исклучиво според законите и прописите. Кога поранешниот македонскиот премиер ја поминуваше црногорската територија во автомобил со странски дипломатски таблици, тој не беше лице надвор од законот, имаше уредни патни исправи и нашите служби на безбедноста и полицијата,кои за тоа ги известија во партнерски однос и службите за безбедност на Македонија, немаа никави овластувања да делуваат поинаку отколку што делуваа. Сѐ друго би било пречекорување на овластувањата и веројатно нешто што тешко би го оправдале“, рече црногорскиот министер.

Новинарот Кенан Хасани од Битола на 78 години почина вчера по кратко боледување, а беше погребан денес. По професија беше учител и новинар, пишуваше за весниците на албански јазик „Коха“, „Фљака, а работеше и во Радио Скопје во програма на албански јазик. Беше познат новинар чии текстови оставија белег во битолското, а и македонското новинарство. Иако пензиониран, до последно ги следеше настаните во Битола. Своето долгогодишно искуство нескржаво го споделуваше со помладите колеги. Беше член на Здружението на новинари на Македонија.