Со утринска богослужба и Света божествена литургија, со која чиноначалствуваше митрополитот Петар во храмот „Свети Великомаченик Димитриј“, започна одбележувањето на Денот на заштитникот на Битола, Свети Нектариј Битолски. Потоа, следуваше литија со моштите на Свети Агатангел Битолски“, а  во чест на патронот и заштитникот на Битола – Свети Нектариј Битолски.

На денешното одбележување, организирано од Преспанско - пелагониската епархија, во соработка со општина Битола, присуствуваше и градоначалникот Тони Коњановски, кој испрати честитка по повод празникот до сите граѓани, посакувајќи доброто, секогаш да биде наша водилка на патот кон успехот:

„На сите сограѓани им го честитам Денот на Заштитникот на градот – Свети Нектариј Битолски. Неговата заштита нека биде постојано со нас. Секојдневието да го исполниме со љубов, меѓусебно почитување и добрина кои ќе не водат кон исполнување на високите вредности, со кои ќе ја градиме иднината на Битола, иднината на сите нас и генерациите кои доаѓаат“, рече градоначалникот Коњановски.

По повод Свети Нектариј Битолски годинава за првпат, општина Битола, им додели награди на 19 талентирани и надарени ученици од општината, за постигнатиот успех во учебната 2021/2022 година.

На 15.12.2022 околу 16.30 во СВР Битола било пријавено дека во двор од куќа во с.Крклино, битолско, сопственост на Т.С.(75) има лице повредено со огнено оружје. Полициски службеници од СВР Битола излегле на местото и било констатирно дека Т.С., додека ја чистел својата пушка марка „Застава“ во еден момент ја оставил, при што испукала кон помошен објект во дворот, а потоа го повредила А.С.(46) од с. Будаково, кој бил негов гостин. Лицето било пренесено во Клиничка болница Битола за укажување лекарска помош. Се преземаат мерки за расчистување на случајот, соопштија од СВР. 

Во неколку битолски основни училишта утрово имаше дојава за бомби. Тоа се училиштата Гоце Делчев, Кирил и Методиј, Ѓорги Сугарев, Елпида Караманди и други. 

Наставата е прекината,  учениците и кадарот евакуирани. Се чека антитерористичка единица од Скопје да направи проверка. 

Дојавите стигнаа по електронските мејлови на школите. 

Младинскиот културен центар го промовираше проектот ЕНТЕГ финансиран од ИНТЕРЕГ ИПА програмата за прекугранична соработка   меѓу Грција и Македонија кој ќе овозможи дипломираните студенти и апсолвенти со високо образование да започнат свој бизнис и да се вработат.

Повикот е отворен од 16.12.2022 година и ќе трае до 31.01.2023 година и може да се најде на следниот линк https://forms.gle/cS9nz24PuBWrHkxE6

Можат да се пријават лица до 35 години кои завршиле високо образование, а дополнителна вредност на проектот е тоа што овозможува вмрежување на младите од двете страни на границата, па и отпочнување на заеднички биснис.

„Основната цел е да се воспостави еден нов иновативен систем за претприемничко учење кој ќе им помогне на младите невработени лица студенти или апсолвенти од Пелагонискиот Регион полесно да најдат работа или да започнат сопствен бизнис. Се работи за дигитална иновативна лабораторија за претприемничко учење со најсовремени алатки за информациска и комуникациска технологија, ќе се спроведува од девте страни на границата. Ќе им дадеме нова шанса на младите да се врмежуваат со нивните колеги од соседна Грција и полесно да најдат работа. Проектот ЕНТЕГ сметаме дека е одговор на проблемот со младинска невработеност што го имамне кај нас“, рече Златко Талевски од МКЦ Битола.

Младите од двете страни на границата заедно ќе го поминат процесот на учење и градење претприемнички вештини. За таа цел ќе имаат два циклуса на обуки во дигиталната лабораторија, но и обуки со физичко присуство во Солун.

„Целта ни е да помогнеме во унапредување не младите студенти и апсолвентите да можат да се претстават подобро за да стигнат до вработување. Ова е многу интересен процес за младите и многу сме среќни што ќе соработуваме двете држави за оваа цел, а да помогнеме во пријателството и да дадеме економска поддршка за нашите региони“, рече Ламприни Тсоли од Регионалниот фонд за развој во Грција.

Проектот ќе се спроведува 18 месеци со вкупен буџет од 551 840 евра од кои 85 проценти ги обезбедува ЕУ, а 15 проценти се од буџетот на земјите вклучени во проектот.

Секцијата на жени и Комисијата за културно-забавен живот при Здружението на пензионери од Битола расправаа за активностите и програмата што треба да се организираат во следната година.