Обраќајќи се на македонски јазик пред Рускиот крст во Битола, каде пред 116 години загинал рускиот конзул Ростковски, актуелниот амбасадор на Руската Федерација во Македонија, Сергеј Бездникин рече дека подготвени се за унапредување на пријателските односи со Република Македонија во различни области, дотолку интензивно, доколку за тоа се подготвени македонските партнери.

Општина Битола му испрати известување на изведувачот МС КОНСТРУКТОР ДООЕЛ Битола дека му го раскинува договорот за реконструкција на коловоз и тротоари на улицата „Климент Охридски“.

Во известувањето за раскин на договорот од страна на Општината, се наведува дека оваа мерка е превземена откако се пречекорени сите рокови за изведување на работите, предвидени во член 14 од Договорот за јавна набавка на работи склучен на 06.06.2017 година.

Само сликата на Тито уште ја крепи куќата каде на 15 мај 1941 година била формирана првата партиска ќелија во село Ракитница во текот на Народноослободителната борба за време на Втората светска војна. Токму активностите во оваа партиска ќелија одиграле клучна улога во револуционерното активирање на населението во борбата против окупаторот во реонот на Ракитница.

Од минатата недела ЈП „Нискоградба“ започна со крпењето на улични дупките со бехатон коцки и со ладна асфалтна маса. Топол афалт не се поставува зашто Општината не располага со сопствена асфалтна база, во тоа не се инвестирало години наназад.

Добар дел од сообраќајните знаци на патот Битола- Ресен се полегнати. Се работи за понови знаци кои го регулираат сообраќајот. Најверојатно знаците не ги преживаја последните снежни врнежи, па неопходно е наново да се прицврстат.

Вчера во 21.20 часот полициски службеници од Полициска станица за безбедност на сообраќајот Битола, како и полициски службеници од Криминалистичка полиција во содејство со полициски службеници од Полициско одделение - Велушина, во село Бистрица , битолско, го лишиле од слобода лицето Г.П.(44) од село Бистрица.

„Тој, на 29 јануари на улица ,,Васко Карангелевски“ во Битола со возило удрил во пешакот С.В.(56) од Битола, по што побегнал од местото. Следниот ден во Клиничката болница Битола, С.В. им подлегнал на повредите. По целосно документирање на настанот, против него ќе биде поднесена соодветна кривична пријава“, соопшти Сања Стаматова, портпарол на СВР Битола. 

Општина Битола ќе добие затворен базен кој кон средината на оваа календарска година ќе почне да се гради во дворот на ОУ „Даме Груев“ во Битола. Базенот ќе биде изграден со средства на Владата и Агенцијата за млади и спорт. Ќе има димензии 25 на 10 метри и при употребата предност ќе имаат учениците од основните и средни училишта, но ќе можат да го користат и другите граѓани.

Работиме по 12 до 14 часа на ден, а во февруари не ни ја доисплатиле ни ноемвриската плата, се пожалија вработените од ЗК „Пелагонија“ кои денес излегоа на протести со барање под итно да им се исплатат заостанатите примања за ноември и декември.

Битола е јужна точка на Балканот, но со сибирска зима, вели професорот Борис Ангелков, поранешен претседател на Научното друштво од Битола кометирајќи го климатскиот феномен кој се случува во градот преку зима и тоа, инверзија на воздухот и таканареченото поларно езеро од магла кое легна над градот.      

„Феноменот на поларни зими е предизвикан од ладните воздушни маси кои легнуваат во Пелагониската рамнина, а топлиот воздух бега на горе кон Пелистер. Се јавува инверзија на воздухот во која Битола мрзни на минус, а горе на Пелистер има сонце, скијачите се сончаат. Од горе се чини како да сте пред поларно езеро, а тоа е котлината полна сињак. Овде е студено, а преку Плетвар се пет до десет степени температурите над нулата“, вели Ангелков.

По професија не е метеоролог, туку ветеринар, но е меѓу битолчаните кои најдобро ги познаваат климатските карактеристики на овој крај. Долги години ги истражувал временските улови зашто од ЗК “Пелагонија“ добил задача да раководи со изградбата на фарма на место позаштитено од ниските температури. Направил 40 годишни истражувања. Поради ваквите магловити денови не се изградил ни земјоделски аеродром на просторот помеѓу Битола и Прилеп во времето на Социјалистичка Југославија што е голема штета . Денес би било добро таков аеродром да има за транспорт на земјоделски производи од Пелагониската и Преспанската котлина (зеленчук, овошје, млечни производи) и репроматеријали за земјоделството ( ѓубрива, заштитни средства). 

„Пелагонија е заградена со големи планински масиви Баба и Ниџе. Продорот на топлиот воздух од регионот на Медитеранот тешко доаѓа до неа, освен кога дуваат јаки јужни ветрови, но тоа е во летните периоди. Зимата тешко продираат поволни климатски услови, додека по Вардар таа медитеранска клима може да стигне дури до Скопје. Порано пред да се изгради Тиквешката брана тие климатски влијанија стигнуваа по долината на Црна река, до Скочивир, но тоа сега го нема“, вели Ангелков.

Маглената капа паѓа од Тополчани до Лерин. Овој крај има континентална клима, слична на онаа во Сараево, Софија и Белград. Поради ваквото време во поранешна Југославија градот бил вбројуван во четврта категорија на реони најнеповолни за градежништво. Ваквата проценка била направена зашто имало зими кога почвата замрзнувала до 80 сантимери. Оттаму градежниците во Пелагониско не прават поплитки темели. Ако се направи темел до 30 семтиметри постои опасност брзо да замрзне, да  распука и објектот да се сруши.

Преку годината Пелагонија има температури кои се движат од - 40 до плус 40 степени Целзиусови или амплитуда од 80 степени што е огромна разлика. Дури и ветровите се ретки преку зима.  

„Ружта на вертови кај нас е северозапат кон југоисток. Дува најчесто од кај Демирхисарскиот дел кон Битола и Лерин. Тоа се најчестите и најјаките ветрови. Најслаби се источните ветрови и најретки, ги има 45 пати годишно и тоа ја спасува Битола да немаме голема загаденост од РЕК. Кога РЕК би бил поставен кај Демирхисарско тоа би било страшно за Битола“, додава Ангелков.

Во Битола во просек  има по 22 магловити дена. За најмаглив месец се смета декември со 6,4 денови со магла, па јануари со 6,3, ноември со 4,1 и февруари со 2,8.