Битолската населба Баир, неодмна доби нова чешма. На популарната локација “Тепсија” каде што има спортски терени и се движи голем број на ромското население со поддршка на ЈКП „Водовод“ Битола беше поставена нова чешма.

“Убаво е кога ќе се разбуди свеста дека таму каде што минуваме повеќе часови од денот, а не е нашиот дом, да направиме нешто за околината. Па така спонтано направивме и еко акција која целосно произлезе по наша иницијатива, како Тим за поддршка во населба БАИР, па решивме да собереме отпадоци и да расчистивме наоколу. Една убава акција за почист двор и нова чешма” - објаснува Филиз Алиу од Тимот за поддршка BST.

Вчера, поттикнати од идејата да се разубави овој простор и да се подигне еко свеста кај населението, се собраа дел од жителите и реализираа акција за чистење.

“Убаво е кога ќе се разбуди свеста дека таму каде што минуваме повеќе часови од денот, а не е нашиот дом, да направиме нешто за околината. Па така спонтано направивме и еко акција по наша иницијатива и собравме отпадоци и расчистивме наоколу” - објаснува Филиз Алиу од Тимот за поддршка BST.

На иницијатува за локална еко-акција се приклучи и ЈП „Комуналец“ Битола со цел да се уреди и просторот околу чешмата со што се создава соодветен простор за потребите на жителите.

“Би сакал да се заблагодарам и на вработените во ЈП Комуналец, кои само по еден мој допис излегоа во пресрет, па така заеднички со граѓаните од населба Баир и проектниот тим направивме и еко акција на чистење на просторот околу месната заедница.Собрани се 15 вреќи ѓубре, само во дворот на МЗ Димитар Влахов” - објасни Медик.

Со овој потег, се дава и функционалност и изглед на овој дел од битолскиот Баир за потребите на граѓаните, особено во овој топол период. Активностите се координирани од Преда плус Фондација, во склоп герила акција во рамките на Кампањата за подигање на свест кај ромското население за пристап до јавни услуги во проектот БАИР-Здружена акција на Битола за вклучување на Роми, финасиран од ЕУ.

Во фоајето на Центараот за култура во Битола отворена концептуалната изложба АЛГА која претставува симбиоза помеѓу современиот моден дизајн на брендот LOM Label, уличната уметност од Hybrid Minds и електронската музика на една селектирана група на ДЏ артисти од Битола со едноставна мисија, да се промовираат локалните уметници и нивното ново создавање со еко порака која е повеќеслојна.

Имено, за модната колекција на LOM Label се употребени природни и алтернативни материјали. Посветено е посебно внимание кон кроењето при изработката на модните парчиња да се создаде минимален отпад, а остатоците од материјали се реупотребуваат за да се изработи ново парче облека или моден додаток. Овој моден бренд позади кој стои модната дизајнерка Марта Дојчиновска, овој пат се враќа кон нејзината публика со колекција која е составена од фузија на органски, флуидни, нежни и геометриски форми инспирирани од алгите.

И тој лајтмотив е исто така тема на уметничките дела на Драган Милованов-познат графити уметник со изразен личен печат во она што го созадава. Неговите дела ја раскажуваат љубовта кон природата, зачувувањето на зелените површини, графитите, уличната уметност, сѐ заедно претопено на уметничко платно со уникатен стил на изразување и силна порака за грижа кон животната средина.

„Фокус на АЛГА се организмите алги, флуидните форми како и варијациите на бои кои што алгите ги имаат, нивните бенефити за животната средина и еко-системот, како и нивниот опстанок во секое годишно време. Од транспарентна бела, сива, свежо зелена па се до црна…бојата и формите на алгата се провлекуваат низ модната колекцијата и ќе се главен двигател и низ уметничките дела”- истакнуваат авторите на изложбата. Изложбата трае до понеделник, а на овој четиридневен модно-уметнички и музички перформанс свои сетови ќе имат DJ Dejan Dex, Herzel и Chiko. Проектот е поддржан од Министерството за култура.