Од касата на Општина Битола во период од 03.12.2021 до 14.07.2022, „Стентон градба“ ДОО с.Долно Оризари, Битола има наплатено вртоглави 72,620,609 денари односно 1,190,501 евра.

ДПМНЕ во текот на кампањата заедно со градоначалникот Коњановски секојдневно објавуваа како “Стентон Градба“ е фирмата зад која се крие нивниот опонент Кондовски, објавија од Лавица на нивната ФБ страница.

„Денес гледаме како истата таа фирма си присвои 1,190,501 евра граѓански пари на битолчани. Речиси секој поголем зафат во општината го наплаќа истата фирма, само во 2022 година оваа фирма учествувала во неколку изградби и реконструкции на улици и тоа:

-Реконструкција на канал во АРМ,

-Изградба на улици, патишта и автопати - дел од ул.„Крушевска Република“,

-Реконструкција/Рехабилитација на улици, патишта и автопати Ул.Македонска Фаланга,

-Реконструкција на капацитети во енергетиката-ул.„Булевар 1-ви Мај“ –десна страна,

-Реконструкција на локален пат за с.Брусник,

-Реконструкција на коловоз на ул.„7-ми Јули“,

-Санација на тротоари и улици со бехатон,

-Девијација на коловозот на мостот на р.Драгор на ул.„Довлеџик“’, пишува во објавата.

Понатаму додаваат: Иако изминатите денови ДПМНЕ имаше негативен став за оваа фирма и посочуваше како само една фирма се јавувала на тендерот за одронот на патот Миладиновци-Штип вистината е таа, шемата која Талески ја разработи Коњановски ја усовршува, континуитетот на „Стентон Градба“ не престанува! 

Секако нивниот коалиционен партнер кој се бори за поинаква Битола не сака да го расипи овој континуитет па затоа мудро молчи за ваквиот одлив на средства од општинската каса.

Кога станува збор за пари „Поинаку“ секогаш премолчува и нема никаква реакција додека нивниот коалиционен партнер ДПМНЕ го топи салдото од буџетот на Општина Битола.

Претседателката во повеќе наврати ја видовме како ја извршува агендата на Коњановски додека реални проекти и иницијативи од вистинско значење за градот и битолчани не ги става на Дневен ред, обвинија од Левица.

Јас два пати по четири години лежев во бугарските затвори за македонските права во Бугарија, а сега македонската држава ќе ги впише Бугарите во Уставот, а никаде нема да биде заведено македонското малцинство таму, реагираше Стојан Ѓоргиев, почесен претседател на ОМО „Илинден-Пирин“ од Софија кој присуствуваше на денешната 51. Семакедонска средба во битолското село Трново.

„Ја осудивме Бугарија во Стразбур 14 пати зашто не ги признава нашите права и пак не не` регистрира. Политиката на Бугарија кон Македонците е многу лоша, сакаат да ги бугаризираат Македонците. Гоце Делев, Даме Груев, Јане Сандански се бореле против бугарските врховисти кои сакале Македонија да ја припојат кон Бугарија, а сега во Битола направија клуб ‘Иван Михајлов’, најголемиот убиец на Македонците. Тодор Александров и Ванчо Михајлов не ги почитуваме. Ние Јане Сандански си го знаеме, Гоце Делчев, тоа е Македонија за нас“, рече Ѓоргиев.

Како дете  морал да го повторува класот во гимназија зашто со една од настваничките се сакарал околу македонскиот јазик. Таа го прашала зошто не зборува на литературен бугарски, а тој ѝ одговорил дека е Македонец и зборува македонски јазик. На ова наставничката возвратила дека таков јаик не постои и ја повторил годината иако сите оцеки му биле преодни.