Песна за желбите пред Споменикот на депортираните Евреи во Битола денес испеаја групата „Отсма“ од Израел составена од тинејџери со попреченост. Тие под водство на музичкиот терапевт Офра Коен денес преку песна ја ирзазија нивната жеба да живеат во мир. Во групата настапија пет солисти и едно момче кое свиреше гитара, а настапот им беше крајно синхронизиран како да пее професионален хор со музичка придружба. Имаа настап на комеморацијата по повод 76 годишнината од депортацијата на битолскаите Евреи и ги разнежнија срцата на присутните.

„Јас сум музичар и продуцент и верувам цел мој живот дека инклузијата во општеството е многу важна. Мојата работа од срце им ја посветувам на овие деца кои ја учат музиката како и сите останати луѓе, пеат и танцуваат. Осум години го работам ова и друшата ми е исполнета, правиме музика за сите луѓе и тоа делува како музичка терапија за овие млади лица“, рече Коен.

Таа додаде дека настапиле во Битола зашто сакале да му покажат на целиот свет дека на овие деца им треба некој што ќе верува во нивните можности.

„Името на групата е ‘Отсма’ , тоа е моќ, симболично е поставено името да покаже дека ние можеме да направиме нешто што сакаме. Дека е возможно и тука се виде дека е“, додава музичкиот терапевт.

Тунејџерите, други лица со попречености, гости од Изараел, битолчани денес се приклучија кон Маршот на животот што традиционално се одржува по втор пат во Битола токму на денот кога во 1943 година беа депортирани 3013 битолски Евреи во логорите на смртта. Тие го поминаа патот што пред 76 години го вревеа Евреите до Железничката станица од каде беа со вагони однесени и никогаш не се вратија назад.

(извор СДК.МК) 

Кандидатот за претседатeл Стево Пендаровски на празникот Прочка од Битола испрати порака за национално помирување. Запрашан на кој политичар би му простил на денешен дeн, тој рече „на сите оние кои имаа лоши зборови за мене во изминатите години“, а при тоа додаде дека простувањето треба да стане пракса за сите, посебно за Македонците меѓу кои има длабоки и широки поделби.

Со „Марш на животот“ по Широк Сокак во Битола, денеска се одбележаа 76 години од депортацијата на 3350 битолски Евреи во логорите на смртта во Треблинка. На манифестацијата учествуваа високи гости од државата и странство, а се приклучија и голем број граѓани од Битола

Специјално признание му беше доделено на градоначалникот на општина Новаци, Љубе Кузманоски од Здружението на иселеници од Македонија во градот Ајдин, Турција, во знак за благодарност за доближување на македонскиот и турскиот народ и нивната култура преку збратимувањето со турската општина Караџасу.

Во четиридневна посета на градот Ајдин, Република Турција, престојува делегација од Општина Новаци предводена од градоначалникот Љубе Кузманоски и претседателот на Советот на општина Новаци, Наумче Смилевски.

За време на посетата на Република Турција, градоначалникот Кузманоски потпиша Декларација за збратимување на општина Новаци со општината Караџасу.

По повод 8 Март, Меѓународниот ден на жената, дел од членовите на Центарот за поддршка на лица со интелектуална попреченост „Порака“ од Битола, ја посетија градоначалничката Наташа Петровска. Тие донесоа рачно изработени предмети од нивните членови и со голема радост и ги подарија на градоначалничката. Таа им се заблагодари и ја изрази својата поддршка која и натаму ќе ја дава Општина Битола за овие лица.

Центарот за поддршка на лица со интелектуална попреченост е доста активен и нивните членови досега имаат организирано неколку изложби на своите изработки. Просториите на „Порака“ кај Дрвен Пазар се збиралиште на лица со интелектуална попреченост и други хумани битолчани кои заедно организираат бројни манифестации на кои до израз доаѓа таленот на оваа категорија граѓани.

Во четиридневна посета на градот Ајдин, Република Турција, престојува делегација од Општина Новаци предводена од градоначалникот Љубе Кузманоски и претседателот на Советот на општина Новаци, Наумче Смилевски.

За време на посетата на Република Турција, градоначалникот Кузманоски потпиша Декларација за збратимување на општина Новаци со општината Караџасу.

По повод Денот на жената- 8 ми Март, Отсекот за превенција заедно со Полициската станица за безбедност на сообраќајот при СВР Битола, денес на повеќе локации низ градот спроведе Сообраќајно воспитна акција со која беа опфатени возачи од понежен пол и пешаци кои правилно ја преминуваат улицата на пешачки премин. 
На совесните учеснички во сообраќајот полицајците им подарија цвеќиња по повод Меѓународниот ден на жената. 

Преку фотографии од места кои биле значајни за животот на битолските Евреи, поставени на гугл мапс, на интернет ќе се раскажува приказната за еврејското минато на Битола. На Факултетот за информатички и комункациски технологии експерти од Израел држат дводневен семинар за обука на битолчани да користат модерни технологии со кои ќе можат на гугл мапс да постават фотографии од места значајни за Евреите во Битола.

Полицијата го пронашла 11 годишното момче кое во понеделникот било пријавено за исчезнато. Според СВР Битола, момчето било пронајдено денес во 1,20 часот и предадено на родителите. И претходно се случувало детето да се оддалечи од својот дом и да се врати назад.