Со полагање свежо цвеќе пред споменикот на загинатите бранители во кругот на СВР Битола и пред споменикот „Ангел“ кај Саат кулата во Битола, денес се одбележаа 20 години од масакрот кај Вејце, во кој што во заседа беа нападнати и масакрирани осум припадници на Посебната единица при СВР Битола и припадници на армиската единица “Волци“, од кои четворица од Битола и битолско.

Во знак на сеќавање  на  масакрот кај тетовското село Вејце, кога во конфликтот во 2001 година на 28 април, свирепо, од заседа,  беа масакрирани осумина припадници на специјалните единици на МВР и АРМ, бранителот од Битола Сашо Гилевски на својот ФБ профил објави фотографија со деца на бранителите од Битола  од  местото на убиството на нивните татковци,  8 запалени свеќи и напиша

Споменикот на бранителите„ Ангел“ кој се наоѓа во паркот кај градскиот часовник деновиве е сквернавен со графит на кој е испишан бројот 420 кој всушност е код на марихуаната. Битолчани реагираат што на ваквов начин се уништува  спомен обележјето подигнато во чест на 7те мина бранители кои ги положија своите животи на браникот на татковината во конфликтото во 2001 година, а кои потекнуваат од Битола и битолско.

Денес се навршија седумнаесет години од загинувањето на македонските бранители во близина на селото Гајре за време на конфликтот во 2001 година. Битолчаните Влатко Миленковски, Благојче Силјановски и Пеце Матичевски од општина Новаци беа  воени резервисти, припадници на баталјонот на Воената полиција од Битолскиот корпус, кои во двојна заседа загинаа на 5 јуни 2001 година, во близина на селото Гајре, на раскрсницата од патот за Шипковица, во долината на реката Пена.

Градоначалничката на Општина Битола, м-р Наташа Петровска, заедно со повеќе делегации положија свежо цвеќе пред споменикот „Анѓел“ во паркот кај Саат кулата и кај споменикот подигнат на просторот во поранешната касарна. Во нивна чест,  беше организиран и Меморијален турнир во мал фудбал, насловен „Влатко, Благојче и Пеце 2001“.

„Денес сме овде не само да им оддадеме помен, туку и да се потсетиме дека никогаш, никогаш не смееме да заборавиме на нивните семејства, на нивните потомци...Меѓутоа и како политичари мора да бидеме одговорни, да водиме политики којшто никогаш повеќе нема да ја доведат Република Македонија во таква ситуација. Тоа е наша должност и тоа мора да го направиме“, рече градоначалничката Петровска.