Нашинци од Австралија, Шведска, Холандија, Франција, Италија се најчестите гости во ресторанот „Грне“, и безоглед на тоа колку време постојуваат во Битола, тука уживаат во специјалитетите на куќата, а тоа се националните јадења: гравче тавче, питулици, сармички од лозов лист, ширден, чорби и секако специјалитетот на ресторанот „сач“,како симбол на традиционално јадење подготвено под вршник .

(ете како изгледа прочуениот специјалитет, а верувајте вкусот е уште подобар)

„Едно стапнување во Битола, странците доаѓаат најпрво кај нас. Тоа се наши иселеници , трета или четврта генерација, што доаѓаат од една земја и најчесто комуницирале со свои пријатели и им препорачале да не посетат. Да ги вкусат нашите специјалитети , направени на традиционален македонски начин“, вели Тоскоски

Во „Грне“ дневно се готват по најмалку 20 специјалитети под сач , големи тепции подготвени со месо, колбаси, печурки, грав , црвени пипери, и други зачини и тајни на шефот на кујната.

-На вкусот на сачот неможе да му се оддолее, странците колку време се во Битола толку дена се и наши гости. Убавото јадење се налева исклучиво со македонско вино и се ужива во музиката на тамбурашите од групата „Антика“, вели менаџерот на „Грне“.

(гостите се чувствуват пријатно во амбиентот на ресторант „Грне“)

Овој национален ресторан кој е сместен во срцето на Битола, стана свртилиште и на туристичките групи од Холандија, Полска, Франција, Италија кои преку туристички агенции доаѓаат на еднодневна посета во Битола. „Грне“ успева да го задоволи и нивниот префинет вкус за храна. Нивното задоволство се гледа по тоа што се случувало странски туристи да дојдат со ливче на кое нивни познаници што ја вкусиле храната во „Грне“ им го напишале името на ресторанот и ги успатиле таму задолжително да ручаат.

Благодарение на ваквата понуда, битолското „Грне“ го претставува светот во мало.

Други специјалитети на „Грне“: