АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На веб страната на Центарот за јавно здравје стојат и детални информации за тоа колку заболени од грип имало во декември минатата година.
-Во текот на месец декември од 2018 година во Битола пријавени се 27 лица со грип со инциденција од 26,66 на 100.000 жители. Во месец декември од минатата година 2017 пријавени беа 4 лица и инциденција од 4,19 на 100.000 жители. Вкупниот број на заболени лица за оваа сезона заклучно со 31.12.2018 година изнесува 30, што е зголемување за 3,75 пати во однос на истиот период минатата сезона.
Минатата сезона (2017/18), во Битола вкупно беа регистрирани 1573 лица со грип. Најголем број на заболени лица беа регистрирани во месец февруари односно 76% од вкупниот број на заболени лица од сезоната 2017/18 . До сега, релативно малиот број на регистрирани случаи на грип, кој е под неделната граница за сезонска активност оди во прилог на ниска (вон-сезонска) активност на вирусот на грип на територија на Битола.
Се очекува интензивирање на активноста на вирусот на грип во наредниот период посебно во почетокот на месец февруари, стои во извештајот.
До 31.12.2018 година на територијата на Центар за јавно здравје Битола вакцинирани се вкупно 5188 лица, од кои 2956 лица со комерцијални вакцини и 2232 лица со бесплатни вакцини.
