Општина Битола делумно го поништи решението  за легализација на планинарскиот дом „Копанки“ донесено во 2015 година. Со ова се одзема сопственичкото право на Планинанрско спортскиот клуб „Пелистер“ од Битола, и домот се враќа во сопственост на државата, информираат од Општината

Продолжува обновата на планинарскиот дом „Копанки“ на Пелистер. Денес дел од градежните материјали беа пренесени со жичницата, која е во сопственост на Планинарско-спорскиот клуб „Пелистер“, но е дадена на стопанисување на хотелот „Молика“. На Копанки се собраа членови на ПСК „Пелистер“, други планинари и волонтери кои помогнаа во денешната акција. Обновата започна уште минатата година со донации од граѓани, а веќе е ставена плоча на дел од првиот кат. Од клубот велат дека акцијата за изградба на домот ќе продолжи во текот на оваа градежна сезона. 

Општина Битола бара од Планинарско-спортскиот клуб "Пелистер" да ѝ ја отстапи сопственоста врз планинарскиот дом Копанки за да може да изврши целосна реконструкција врз опожарениот објект.