Облечени по фустани, високи потпетици, шапки, венчиња од цветови, па дури и вратоврски, битолчани дотерани возеа точаци. Тие беа дел од настанот 51-ва критична маса „Дотерани на точак“ чиј повик беше „Да возиме како прави дами и господа“. На велотурата се придружија неколку стотици битолчани, а велосипедската дружба започна од плоштадот Магнолија, се одвиваше низ градските улици и заврши во Бар чаршија.

Иницијативата „Битола на точак“ на својата ФБ страница креираше албум насловен „Битолски сообраќаен срам“, каде  се објавуваат фотографии на  несовесни возачи и возила паркирани на несоодветно место.