Битолскиот градоначалник, Владимир Талески, неколку години назад не собра храброст да се појави пред  Советот на Општина Битола и да даде отчет пред советниците, како се трошат парите на битотолчани.  Во исто време советниците од мнозинството предводено од ВМРО-ДПМНЕ, ги аминуваше сите буџети  и одлуки на Талески.

-Од името на сите вас сакам едно да и порачам на Наташа Петровска:-Сите овие луѓе не сакаат втори, трети или четврти кругови, сакаат победа на 15 октомври , а на 16ти да го почестите Талески со едно големо сиктер кафе, како симбол дека тој, неговите пајташи и политиките кои ги водеше никогаш повеќе не смеат да и се случат на Битола.

„Чесноста за мене е пред се зашто и по четири години сакам да ве видам со чисто лице и без срам, да пијам кафе со вас на Широк Сокак“. Вака кандидатката за градоначалник од редовите на СДСМ, Наташа Петровска им порача на своите сограѓани на партиската промоција што се одржа в очи почетокот на изборната кампања во Битола. Во преполната сала со стотици сопартијци и поддржувачи, таа одржа емотивен говор ветувајќи дека нејзиниот кабинет ќе биде отворен за сите граѓани и беше наградена со бурни аплаузи.