Изложба на портрети на осумте народни херои кои потекнуваат од Битола и битолско, насловена „Негување на револуционерните традиции“, чиј автор е академскиот сликар Никола Славевски, беше отворена вчера во малата сала на Центарот за култура во Битола. Изложбата е дел од активностите во рамките на проектот на општинската организација на Сојузот на борци од Битола, поддржан од Министерството за одбрана на РМ.