Градоначалникот Тони Коњановски на својот Фб профил порача дека очекува извинување од советниците на СДСМ за поднесената привична пријава, откако Државниот инспекторат за локална самоуправа доставува опомена до претседателката на Советот, Габриела Илиевска, за незаконско постапување при донесувањето на одлуките за разрешување на членовите на управните и надзорните одбори. 

 

 

„Во општина Битола стигна решението со кое Државниот инспекторат за локална самоуправа доставува опомена до претседателката на Советот, Габриела Илиевска, за незаконско постапување при донесувањето на одлуките за разрешување на членовите на управните и надзорните одбори. Инспекторот наведува и дека, при разрешувањето мнозинството на Советот постапило неправилно.

Со ова решение, уште еднаш се потврдија моите укажувања дадени претходно, поради кои и не ги потпишав незаконски донесените акти.

Очекувам јавно извинување од советниците на СДСМ за кривичната пријава, поднесена против мене, која со ова уште еднаш се потврдува дека е неоснована.

Останувам отворен за соработка со сите советнички групи и повторно повикувам, популизмот да се остави на страна и сите заедно да продолжиме да работиме за Битола, наместо непотребно да губиме време со блокада на општината“, напиша Коњановски.