„Сега имаме видливи точки каде што може да се види влегувањето на Топлификација во градот и работиме со огромна динамика, според предвидениот план. Моментално минуваме под железничката линија со бушење, нема сечење, нема копање. Ова е една од трите точки кои што досега се изработија, со врвењето под реката Црна и под патот Новаци и оваа точка тука, останува врвењето под реката Драгор, кое ќе се случи за многу бргу време, рече Горан  Козаров, директор на АД Топлификација Битола 

Козаров вели работат на локации согласно изготвените сообраќајни решенија,. Топлификација сега го составува прстенот околу градот, на кој ќе бидат приклучени 35 јавни институции. Во втората фаза ќе има приклучување на домаќинства.

-Во оваа фаза проектот предвидува приклучување на 35 јавни установи, училиштата, јавните претпријатија, судовите. Низ трасата оставаме шахти за кога ќе дојде разгранувањето на мрежата од таму ќе се вадата изводи согласно потребите на објектите кои ќе се приклучуваат за да нема повторно копање. Во таа фаза, втората, ќе бидат приклучени котларите на големите станбени згради. Тоа се осумте котлари во зградите од поранешната Топлификација со кои се опфатени од 2500 до 3000 домаќинства. Ова е еден од најголемите проекти во поново време, како од ефектите кои се очекуваат така и по големината на инвестицијата, значи придобивките се и од финансиски и од еколошки аспект. Со почетокот на работа на Топлификација ќе бидат елиминирани најголемите загадувачи на градот, рече директорот на АД Топлификација Горан Козаров