Роден е на 15 ноември 1923 година. Во  редовите на југословенската комунистичка младина (СКОЈ) е член од пред Втората светска војна. Со нападот и окупацијата на Вардарскиот дел на Македонија стана активен организатор на антиокупаторската борба и учествува во акциите за прибирање оружје од распаднатата кралска армија. Особено активен е во собирањето на „црвена помош“ и контакти и снабдување на политзатворениците во битолскиот затвор.

Во 1942 година бугарската полиција двапати го апси, заедно со други раководителите на СКОЈ во битолската гимназија, но поради недостаток на докази дватапати е ослободен, но исклучен „од сите училишта во Царството“. Од 1943 година е член на Комунистичката партија на Македонија. Од 1943 година е припадник на партизанските единици, каде нешто подоцна стана политички комесар на баталјон.

По ослободувањето на земјата од фашистичките окупатори е мајор на ЈНА. Заврши Правен факултет, а беше и истакнат општествен и политички работник во Битола и пратеник во Републичкиот собор на Собранието на СРМ.

Член-основач на Друштвото за наука и уметност во Битола (денес Македонско научно друштво) и негов претседател во периодот 1963-1965 година.

Апчевски беше активен член во Сојузот на борци од НОАВМ во Битола.

Носител на поголем број ордени и признанија, меѓу кои и: Орден за храброст, Орден братство единство, Орден на Републиката и Орден заслуги за народ (трет ред).

Апчевски ќе биде погребан на денеска на 24 јануари на Светонеделските гробишта во Битола, во 13 часот.