Музички талентираните ученици од Горната гимназија и оваа година приредија извонреден новогодишен концерт за своите соученици. Настапија ученици кои имаат изборен предмет Проекти од музичката уметност под менторство на професорката Марија Арсиќ. Настапот се одржа вчера во холот на Гимназијата „Јосип Броз Тито“ а настапија исклучително музички талентирани ученици, дел од нив како солисти, а дел во бендови.

-Овие солисти и бендови се голема музичка надеж и потенцијал за нашиот град  и оваа година тоа го докажаа, вели менторката, професорката Арсиќ.