Палење на Коледарски оган, од страна на Општина Битола, нема да биде организирано. Согласно тоа, предвидени се повеќе активности од страна на општината, кои опфаќаат: донација на книги – лектири за деца со Брајово писмо во НУУБ Свети Климент Охридски, по повод Меѓународниот ден на Брајовото писмо, како и донација на храна кај Божиќната пештера на Плоштадот Магнолија. Исто така, во четврток предвидена е посета на бездомните лица во хотел Битола, каде ќе бидат донирани неопходни производи за овие лица, со цел секој да може да ја почувствува празничната топлина која ја носат Бадник и Божиќ. На 09.01.2022 година ќе се одржи Божиќен концерт во Офицерскиот дом.