Битолската полиција го фати прилепчанецот кој крадеше велосипеди низ Битола, за што повеќемина битолчани имаа поднесено пријави. СВР Битола денеска го  лиши од слобода крадецот, а во текот на утрешниот  ден се очекува да излезе со детали околу неговите „операции“, каде крадел, какви се велосипеди одбирал и каде ги носел.  

Како што дознаваме припчанецот е повозрасна личност, а крадел велосипеди оставени пред супермаркетот Веро, од пред училишта, од  пред Центарот за култура, на улица. Засега се расветлени  кражбите на 4 до 5 велосипеди со брзата интервенција на криминалистичката полиција и сообраќајната полиција при СВР - Битола.  

Според полицијата

– На улица „Широк Сокак“ во Битола, вчера полициски службеници од криминалистичката полиција и полициската станица за безбедност на сообраќајот при СВР Битола го лишиле од слобода Љ.М. (69) од Прилеп.

Како што информираа денеска од МВР, тој се сомничи дека е сторител на кривични дела „кражба“ и „тешка кражба“, a при преглед кај него биле пронајдени предмети кои потекнуваат од кривични дела.

Со судска наредба, во текот на денот бил извршен и претрес во неговиот дом во Прилеп и бил пронајден предмет кој потекнува од кривично дело. Тој бил задржан во полициска станица и по целосно документирање на случајот против него ќе биде поднесена соодветна пријава.