Советот на Општина Битола едногласно ја усвои точката на дневен ред поставена по иницијатива на советничката од СДСМ Елена Кромидаровска за финансиска поддршка на средношколците Искра Нечаковска и Олег Трајковски од Битола кои се дел од националниот тим на Северна Македонија кој ќе учествува на Олимпијадата на природни науки во Богота, Колумбија.

„Имајќи во предвид дека учесниците на меѓународните натпревари претставуваат амбасадори на државата и градот оваа иницијатива ја поднесуваме со цел финансиска поддршка на средношколците од Гимназијата „Јосип Броз Тито“ Искра Нечаковска и Олег Трајковски кои се дел од националниот тим што ќе ја претставува РС Македонија на Олимпијадата за природни науки која ќе се одржи во Колумбија од 2 до 12 декември 2022 година. Како совет треба да бидеме горди што ученици од нашиот град ќе ја претставцуваат Битола како дел од националниот тим. Потребено е да им дадеме поддршка и мотив да го достигнат врвот и да не направат горди како град и држава“, рече Кромидаровска.

Претседателката на Советот Габриела Илиевска истакна дека веќе се одобрени финансиски средства за двајцата битолчани и дека оваа иницијатива е само потврда за она што веќе е извршено.

Точката беше изгласана едногласно од сите советници.

Покрај ова, Советот по иницијатива на Петар Николовски од СДСМ изгласа да се издвијат финасиски средства за поддршка на студенти од социјално загрозени категории на семејства запшишани од прв циклус стиудии на Универзитетот во Битола.