100 000 Македонци живеат во Германија, а секојдневно работни визи бараат од 80 до 100 лица, но ние сакаме развојот да е во насока тие не само да ја напуштаат својата земја, туку да се вратат дома и тука да ги применат знаењата и искуствата, рече германскиот амбасадор Томас Герберих при денешната посета на Битола.

За првпат на меморијален споменик испишани се имиња на Македонци кои биле мобилизирани во туѓи војски за време на Првата светска војна и загинале на Македонскиот фронт. Станува збор за 32 имиња на Македонци изгравирани на Споменикот на Првата светска војна во Градина на мирот во Коломбел, Франција.