Конечно и во Битола да се случи вистински голем детски спектакл, на голема сцена. Станува збор за детската театарска претстава – МЈУЗИКЛ “Трите прасиња”. Оваа атрактивна детска претстава веќе по неколку пати ги полни салите низ градовите во цела Македонија, а сега по барање на битолската публика ќе гостува и во Битола. Овој детски музички спектакл, ќе биде изведен на сцената во големата сала во Центарот за култура во Битола на 25.03.2023 година (сабота) со почеток во 11-30 часот. Овој пат, честа да уживаат во овој детски музички спектакл ја имаат најмладите битолчанчиња со нивните родители, кои ќе го проследат мјузиклот со Волкот и трите прасиња, и вистински ќе уживаат во оваа детска музичка претстава.

Битолчанки кои никогаш не биле актерки, синоќа премерно ја изведоа претставата „Жени“ во која со публикаа ги споделија своите лични животни приказни за борбата со канцерот.

Вечерва во 20.00 часот во Интимен театар-Битола ќе се одржи премиерата на документарната театарска претстава „Жени“, што е изработена по текстови на жени болни од рак.

Театарската претстава за Ѓерѓ Кастриот Скендербег, од албанско-американскиот актер Џеват Лимани, вечерва во 19 часот ќе биде прикажана во малата сала на Центарот за клутура -Битола, како дел од програмата на Битфест. Улогата на Доника ја толкува сопранот Ера Хоџа, додека другите ликови се појавуваат преку филмски секвенци и гласови.

Музиката е на  Александар Пеци, костимографија на  Енкел Дика, додека сценографијата на  Кристак Капедани. Режијата ја направија Џеват Лимани и Мајкл Тило-актер и режисер во Холивуд.

Жителите на Новаци имаа можност да ја проследат хумористичната претстава „Лабуд и фамилија Марковски“ во изведба на „Солза и смеа“, која заради неповолните времеснки услови, наместо во дворот на Општина Новаци,  се изведе во општинската сала. Токму ограничениот простор беше причината што дел од љубителите на добриот хумор немаа можност да ја проследат претставата, поради големиот интерес и посетеноста на овој настан. Но, организаторот најавува уште една можност за сите заинтересирани.