Елка од книги е подигната во холот на Универзитетската библиотека „Св. Климент Охридски“ во Битола. Ова е дел од  предновогодишните активности во оваа установа  кои имаат за цел претставување на Библиотеката како место за дружење и промовирање на едукативни и креативни програми на деца, млади и возрасни. Замислената  празнична магија во Библиотеката ја организираат библиотекари ,училишето за странски јазици „Rosetta Stone“, Здружението за развој на Ромската заедница - „Сумнал“ и ОУ „Коле Канински“ од Битола. Токму новогодишната елка покажува само мал дел од огромниот фонд на книги што ги има Библиотеката и го свртува вниманието кон вистинските вредности во животот.