Оние кои нема да имаат можност да присуствуваат на церемонијата за свеченото отворање на фестивалот "Браќа Манаки" во Битола, за првпат  ќе можат настанот да го проследат на видео бим поставен пред Центарот за култура.

Отворањето на фестивалот е вечерва во 20 часот

Легендарната филмска дива Клаудија Кардинале попладнево пристигна во Битола, а таа допатува заедно со нејзината ќерка, која се вика исто како неа, Клаудија. Гостите ги пречекаа директорката на фестивалот, Гена Теодосиевска и уметничкиот директор Благоја Куновски Доре. Клаудија Кардинале вечерва ќе прошета по црвениот килима, а на свеченото отворање на Интернационалниот фестивал на филмска камера „Браќа Манаки“ ќе ѝ биде врачена наградатат златна „Камера 300“ за особен придонес во светската филмска уметност.

Организаторите на ИФФК "Браќа Манаки" ги прават пследните подготовки за утрешното свечено отворање на 39то издание на фестивалот. Вечерва пред влезот во големата сала на Центарот за култура се поставува сценографијата и рефлекторите под кои утре на црвениот тепих ќе минуваат фестивалските гости. 

Големата италијанска и светска актерка, легендарната Клаудија Кардинале, како и оскаровецот Роџер Дикинс, денеска во попладневните часови пристигнаа во Македонија.

Клаудија Кардинале пристигна со својата ќерка, која се вика исто како неа, Клаудија и иако помалку уморна, таа на аеродромот во Скопје беше расположена, ведра и заинтересирана да ја запознае земјата која и’ оддава почест со наградата Специјална Златна камера 300 за особен придонес во светската кинематографија. Таа како вистинска филмска дива не покажа дека е заморена од патот, дозволи неколку фотографии веднаш по пристигнувањето.

Скромни се барањата на италијанската и светски позната филмска актерка Клаудија Кардинале (80), пред 39. Интернационален фестивал на филмската камера „Браќа Манаки“, кој почнува в сабота и трае до 29 септември. Кардинале ќе учествува на свеченото отворање и лично ќе ѝ биде врачена специјална златна „Камера 300“ за особен придонес во светската филмска уметност, пренсува весникот „Независен“.