Со традиционалниот прием на претставници од општинската организација на Сојузот на борци, во кабинетот на градоначалникот Тони Коњановски, започнаа денешните настани за одбележување на Денот на ослободувањето на Битола.

Настаните од општинската програма по повод денешниот празник продолжија со положување на свежо цвеќе пред Споменикот на НОАВМ пред Центарот за култура и Споменикот на народниот херој Стив Наумов. Пред спомен обележјата, почит оддадоа, градоначалникот на општина Битола, Тони Коњановски, Министерката за култура, Бисера Костадиновска Стојчевска, претставници на Советот на општината, Сојузот на борци, претставници на збратимените градови Епинал, Пожаревац и Осиек, како и претставници на политичките партии. На партизанските гробишта, свежо цвеќе положи заменик градоначалникот Бојан Бојкоски.

 

„Денес, кога одбележуваме 79 години од ослободувањето на Битола, со голема почит, кон луѓето кои ги дале своите животи за денешната слобода, горди сме на значајните културно – историски вредности кои ги поседува нашиот град, што уште повеќе ја зголемува должноста, да направиме многу повеќе за напредокот на Битола. Наша обврска е да продолжиме да го градиме најубавиот град, да ги подобруваме условите за живот на сите граѓани, а пред се да бидеме мотив за творештво и работа на младите генерации на овие простори. Затоа, како локална самоуправа и дејствуваме во таа насока, преку реализација на бројни проекти и зајакнување на меѓународната соработка, со цел зголемување на можностите за инвестиции,

напредок и развој.

Со ФБ статус насловен „Можите да го “убиете” гласникот, но не и неговата порака“, напишан на битолски дијалект, денеска се огласи претседателката на Советот Габрилеа Илиевска. Таа меѓу другото напиша дека после една година собра храброст и се враќа на герилите и јавниот притисок како, наместо едногодишната тивка и институционална битка и се пожали дека некој пред извесно време и испрати напечатен некролог.

-Ќе почнам од крајот и континуирано ќе пишам бидејќи нема друг начин, во општество, држава, град, каде секој сантиметар е партиски трул и секој милиметар здраво граѓанско крило се “полева со отров”, за да го снема и да нема кој да биди гласен. Пред неколку недели ме “поздрави некој” со печатен мој некролог, па затоа еве јавно го поздравувам дека не се плашам од ништо освен од она шо моментално и се случва на Битола. Претседателот на совет не можи сам да носи одлуки, тоа е колективно тело, кое носи одлуки со МНОЗИНСТВО гласови, така да очигледно е дека “газдата”, не велам градоначалникот, оти не знам дали го имаме, единствена војна која води е против три независни советници, а најмногу против една жена, за која е најлесно да се напаѓа лично … бидејќи нема шо друго. Ребаланс на буџет е трошење пари на битолчани и се додека не знаеме точно кој, каде, зошто ги бара и троши не можи и не треба да биди тема за лажни вести и лажно извртување на вистината, напиша Илиевска

Линк до ФБ статусот  на претседателката на Советот Габриела Илиевска

На ваквиот ФБ статус на претседателката на Советот Габриела Илиевска, денеска  во еден дел од своето обраќање насловено „КАПИТАЛНИТЕ ИНВЕСТИЦИИ ВО БИТОЛА ПРОДОЛЖУВААТ ДА БИДАТ ПРИОРИТЕТ ЗА ГРАДОНАЧАЛНИКОТ И ГРАЃАНИТЕ“ и одговори градоначалникот Тони Коњановски

-Советничката која милува на социјалните мрежи да каже дека Битола има „газда“, ќе ја потсетам само дека, единствени газди на Битола, се битолчани, а сите ние имаме должност кон нив, рече Коњановски меѓу другото во своето обраќање кое апла интегрално го објави денеска

линк до изјавата на градоначалникот Тони Коњановски

Уште повеќе се заостри реториката меѓу претседателката на Советот на Општина Битола, Габриела Илиевска од независната советничка група „Поинаку“ и градоначалникот Тони Коњановски од ВМРО-ДПМНЕ.

Илиевска на денешната седница на Советот го обвини Коњановски за диктатура зашто до неа стигнал допис од секретарот на Општината дека доколку бара информации до општинската администрација, треба да ги достави до нив, што таа го оквалификува како обид за запирање на информациите. Градоначалникот пак, кажа дека постапуваат според законските одредби, Статутот и Деловникот на Општината во однос на обврските на службите и нема да дозволат врз администрацијата да се врши психички мобинг.

Новата конфронтација настана откако Илиевска побара од раководителите на сектори и одделенија во Општината да ѝ се достави писмено образложение по предлог точките што ги имаат доставено за 30 седница на Советот.

„До мене стигна допис од секретарот на Општината со кое ми налага како на советник и претседател на Советот доколку сакам да добијам било каква информација морам да се обратам до нив притоа не смеам да се обратам до ниедна од другите служби зашто за тоа немам надлежност. Ми беше кажано дека вакви лични услуги, да се испраќа известување до претседателката на Советот, нема веќе да ги вршат службите, а замислете имаме служба за поддршка на Советот. Градоначалник, ова е класична диктатура, која никогаш нема да ја дозволам и да кажите дали ќе го отповикате дописот“, рече Илиевска.

Од Општина Битола одговорија дека се испочитувани законските одредби во однос на обврските на општинските служби. Согласно Законот за локална самоуправа, оној за административни службеници и Статутот на Општината, градоначалникот и секретарот раководат со општинската администрација, па барањата за информации треба да бидат доставени до нив, па тие понатаму да ги проследат до соодветните сектори и одделенија. Велат во случајот се барало дополнително писмено образложение по точките кога за истите биле изготвен и доставени материјали, а доколку има потреба предлагачите од редот на општинската администрација на соодветните работни тела или на самата седница даваат стручни образложенија или мислења.

„Општинската администрација и секретарот се на располагање на Советот и граѓаните и тоа јасно сите го имате на увид, тука не треба дискусија, секојдневно сме во контакт и со советниците и со граѓаните и со претседателката на Советот и се она што треба да го добие. Меѓутоа, нема да дозволам психички мобинг врз административните службеници од било кого, вклучувајќи ја и претседателката Советот“, рече Коњановски.

Веќе неколку месеци се нарушени односите меѓу ВМРО-ДПМНЕ и „Поинаку“ откако се распадна советничкото мнозинството во битолскиот Совет.

Ж.З.