Кристиан Стојани, првиот член од возобновувањето на АК „Олимп“ Битола денес победи на Kiel Lauf 2022, улична трка организирана во градот Кил (Kiel) со три трки 5К, 10К и 21К.

Кристијан, кој во моментот живее во Германија, но сѐ уште е член на битолскиот клуб, носејќи го дресот на својот драг клуб, денес победи на 5К трката со резултат 17:35.

“Трката беше тактичка, заради угорниците кои ги имаше до третиот километар, потоа гужвата се разби и борбата за позиција беше непредвидлива со самиот финиш на трката. Задоволен сум од резултатот, а и целиот настан беше одлично организирам. Ве следев на социјалните медиуми како одеше ТРЧАЈ БЕ годинава и можам само едно да кажам дека нашата битолска трка е одлично организиран спортски настан кој комотно може да се спореди со вакви градски трки организирани во услови на една Германија” - вели Кристиан Стојани.