Во Македонија се одржуваат седмите претседателски избори, а до затворање на избирачките места во 19 часот, на сила е изборен молк.

На претседателските избори учествуваат седум кандидати – пет мажи и две жени. 

Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.

Во избирачкиот список за претседателските избори се запишани 1.814.317 избирачи

Во Битола во првиот круг претседателски изброи право на глас имаат  77.271 полнолетни граѓани на 170 гласачки места.  

Владата го прогласи денот на изборите за неработен.