-Денес со се отвораат две катчиња за индивидуална поддршка на учениците со атипичен развој и потешкотии, кои ќе служат како платформа за развој и инклузивно  образование на учениците со попреченост. Ќе бидат место на инспирација каде секој ученик ќе има можност за различно и успешно учење. Во текот на оваа недела по повод одбележувањето на Меѓународниот ден на лицата со попреченост, нашето училиште реализираше различни активности и настани со цел да ја подигне свеста и разбирањето за потребите на овие ученици. Нашето училиште има јасна визија за еднаков пристап на сите ученици, поставувајќи се на фундамент на поддршка, насока и овозможување на поголеми можности за развој и напредок. Нашата ангажираност е да креираме образовна средина каде секое дете има можност да се развива и напредува во согласност со своите потреби. Со гордост можеме да кажеме дека нашето училиште е место каде образованието не  е само активност , туку и искуство што овозможува секое дете да се чувствува важно и да ги надминува своите граници. Со ова ние не го поддржуваме само индивидуалниот напредок, туку создаваме основа за инклузивно и хармонично општество, изјави Дијана Христовска, директор на ОУ„Коле Канински“ Битола

Овие ресурсни простории   се опремени со поддршка на ГИЗ- Германско друштво за меѓународна соработка во рамките на регионалниот проект „Социјална инклузија на ранливите групи во Западен Балкан“ во соработка со Општина Битола и ЗЕЛС

-Ваквите можности се меѓу носечките принципи врз кои треба да се темели работата на секоја институција особено на оние од образованието, онаму каде што станува збор за воспитно образовниот процес на децата. Тоа  е вистинскиот начин секој да биде мотивиран, да го даде најдоброто од себе, да придонесе за заедницата.  во кој,  независно од своите потешкотии ќе може успешно да учи и да се развива. Со програмата за социјална заштита на општина Битола  посветуваме посебно внимание на лицата кои се соочуваат со одредена попреченост со цел колку што е можно повеќе да им ги подобриме  условите за живот. Во оваа насока како локална самоуправа даваме поддршка на повеќе активности. Денешниот настан покажува дека само низ континуирана работа можеме да постигнеме успех. Со цел подобрување на способностите, вештините и можностите на децата со потешкотии во ОУ Коле Канински, денеска се отвораат  две катчиња за работа за деца со атипичен развој кои ќе бидат од огромно значење за стручниот и наставниот кадар од аспект на зголемување на нивните капацитети за работа со овие ученици, рече градоначалникот Тони Коњановски.

Е. Мисирлиевска

Учениците заедно со нивните настаници по повод овој настан подготвија пригодна програма за сите гости на денешниот настан во ОУ Коле Канински Битола