АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 04, 2026
Анета Блажевска
Како да се уреди Плоштадот "Гоце Делчев" во Битола
Јуни 03, 2026ГРАЃАНСКИ ФОРУМ ЗА УРЕДУВАЊЕТО НА ПЛОШТАДОТ „ГОЦЕ ДЕЛЧЕВ“
Општина Битола денеска организираше граѓански форум за уредување на плоштадот „Гоце Делчев“.
Преку форумот граѓаните имаа можност да ги изнесат своите мислења и согледувања насочени кон разубавување на нашиот плоштадот.
Пред присутните се обрати градоначалникот на Битола Тони Коњановски кој рече дека Општина Битола како транспарентна општина со оваа прва форумска сесија сака јавно да се слушне мислењето на стручната фела и на граѓаните, за да се имплементира вистинското решение, како ќе изгледа во иднина овој плоштад кој сега се користи како паркинг простор.
„Твоја идеја, наш плоштад“ е мотото, односно целта на овој форум, како да стигнеме до идеалното решение. Затоа важно ние и Вашето мислење, мислењето на граѓаните кои со свои предлози ќе учествуваат во решението на како што велиме нашиот плоштад, плоштадот на граѓаните на Битола, на битолчани.
Со ова уредување, односно пешачката зона, центарот на Битола се ослободува од сообраќајниот метеж, се намалува бучавата од автомобилите, а со тоа и од загадувањето. Ова ќе биде место каде граѓаните ќе можат спокојно да одморат, да уживаат во убавината на центарот на градот“ рече меѓу другото градоначалникот Коњановски.
На форумот присуствуваше и претседателот на Советот Бојан Бојкоски, заменик градоначалничката Марина Крстиќ, како и стручни лица од администрацијата на Општина Битола кои ја презентираат состојбата, односно она што е согласно урбанистичките планови.
Австрискиот амбасадор Памер во посета на Битола
Јуни 03, 2026Австрискиот амбасадор Мартин Памер денеска беше гостин на настанот подготвен од учениците од секцијата по германски јазик од ООУ "Даме Груев" Битола под менторство на наставничките Данијела Босилковска и Симеона Павловска, а по повод 100 години од смртта на лиричарот Рајнер Марија Рилке и 100 години од раѓањето на писателката Ингеборг Бахман. Настанот беше во организација на ООУ "Даме Груев" и во соработка со НУУБ "Св. Климент Охридски" Битола и директорката Емилија Стефановска Давкова. На настанот се обратија амбасадорот на Република Австрија Мартин Памер, директорката на ООУ "Даме Груев" Битола, Билјана Бакиевска и директорката на НУУБ "Св. Климент Охридски" Битола Емилија Стефановска Давкова. Фото АПЛА.мк
Како Битола се ангажира за бездомните кучиња
Јуни 03, 2026РАБОТИЛНИЦА ЗА АНГАЖМАНОТ НА ЛОКАЛНАТА ЗАЕДНИЦА ВО УПРАВУВАЊЕ СО ПОПУЛАЦИЈАТА НА КУЧИЊА
Состанок на општините од овој Пелагониски регион денеска во Битола организираше Агенцијата за храна и ветеринарство на тема „Ангажманот на локалната заедница во управување со популацијата на кучиња. Главна цел е да се прикаже управувањето со популацијата на бездомните и напуштени кучиња како алатка за одржување на бројот, составот и стабилноста на вкупната популација на кучиња преку заеднички пристап, ангажман и вклучување на сите релевантни чинители. 
Пред присутните се обрати градоначалникот на Битола Тони Коњановски кој зборуваше за решението кое пред неколку години го презеде општината, како и за функционирањето на прифатилиштето „Хачико“, и проблемите кои се предизвик за решавање.
„Во оваа прилика сакам да истакнам дека Општина Битола во континуитет правеше сериозен напор да изгради соодветно прифатилиште кое ги задоволува сите стандарди за хуман третман на животните, доби одобрување за работа од Агенцијата за храна и ветеринарство за прифатилиштето, направивме мониторинг на уличната популација на кучињата, обезбедивме средства за да отпочнеме со хуманиот третман на животните, изработивме програма за хуман тертман на животните која ги дава насоките по кои се става под контрола овој проблем“ рече градоначалникот Коњановски.
На состаноците кои низ регионите ги организира Агенцијата за храна и ветеринарство се презентираат нови пристапи за управување со популацијата на кучиња, преку стандардите на хуман, стручен и безбеден начин со цел да се заштити здравјето и благосостојбата на кучињата, да се обезбеди придобивки за јавноста, јавното здравје и животната средина.
„Ново што сакаме денеска да го презентираме се фактички три нивоа. Едното ниво е да направиме оперативност на базата на податоци која што веќе постои во Агенцијата за храна и ветеринарство, второ е да воведеме мерки за контрола на размножувањето на кучињата и трето е да промовираме поголема стерилизација и кастрација на кучињата, заради тоа што цело време во Македонија зборуваме за бездомна популација, а воопшто не зборуваме за изворите од каде што доаѓаат новите кучиња“ рече Влатко Илиески, професор на Ветеринарниот факултет од Скопје.
Овој настан Агенцијата го организира во соработка со сите релевантни институции и чинители во процесот, со цел усогласување на активностите, размена на информации и воспоставување на нов, системски принцип на решавање на проблемот.
„Формиравме работна група и работиме во осумте плански региони сукцесивни состаноци. Досега сме стигнати на половина со оваа активност и единствен заклучок, униформeн заклучок од сите досегашни состаноци и согледување е дека е прашање на одговорност на сопствеништво. Што подразбира тоа? Дека имаме размножување на сопственички кучиња, неконтролирано и потоа оставање на младите да се снаоѓаат и тоа е всушност зголемување на бројката на бездомна популација“ рече меѓу другото Ангела Грујовска, вработена во Агенцијата за храна и ветеринарство.
Пред присутните беше пренесена и информација за воведување на нова законска рамка.
Најмладите и највозрасните раскажувачи во УТОПИЈА Битола
Јуни 02, 2026На иста маса седнаа најмладите и највозрасните раскажувачи: „Синхроницитети“ во Утопија
Книжевниот клуб Утопија беше домаќин на необична книжевна вечер посветена на „Синхроницитети“, мултимедијалната игра за креативно пишување на визуелниот уметник, дизајнер и илустратор Марко Трпески. 
Настанот, модериран од професорката по македонски јазик и литература, критичар и есеист Симона Петровска, ги спои литературата, визуелната уметност и играта во едно интерактивно искуство во кое присутните не беа само публика, туку и активни учесници во процесот на создавање. 
Во разговорот со авторот беше претставен повеќегодишниот развој на проектот, кој од серија дизајнирани картички прераснал во комплексна игра што ја поттикнува имагинацијата, асоцијативното размислување и креативното пишување. Присутните имаа можност да слушнат и дел од текстовите создадени преку „Синхроницитети“ од автори како академик Влада Урошевиќ, Владимир Лукаш, Ана Голејшка и Ана Јовковска, кои сведочат за различните книжевни светови што можат да произлезат од исти симболи и визуелни поттици.
„Синхроницитети не е игра што дава готови приказни. Таа отвора врата кон приказните што веќе постојат во луѓето. Секој учесник доаѓа со сопствен свет, а картичките само му помагаат да го открие и раскаже“, истакна Марко Трпески.
Најголем интерес предизвика практичниот дел од програмата кога картичките беа ставени во рацете на посетителите. Деца, ученици, студенти, професори и љубители на книжевноста создаваа сопствени текстови инспирирани од симболи, фотографии и асоцијативни задачи. Од истите картички се родија десетици различни приказни, секоја со сопствен тон, перспектива и авторски печат.
Особено внимание привлече присуството на најмладите учесници кои со својата непосредност и фантазија покажаа дека креативното пишување не познава возрасни граници.
„Она што беше особено вредно е што книжевноста излезе од рамките на класичниот разговор за книги и стана жив процес во кој секој можеше да учествува. Вечерта покажа дека приказните не им припаѓаат само на писателите. Тие им припаѓаат на сите што се подготвени да ја слушнат сопствената имагинација“, изјави модераторката Симона Петровска.
Можеби најубавата слика од вечерта не беа картичките, туку луѓето околу нив. Од деца во предучилишна возраст до пензионери, сите прифатија да влезат во истата игра на асоцијации, симболи и приказни. Во време кога генерациите сè поретко делат заеднички простор, „Синхроницитети“ создаде една мала заедница на раскажувачи во која возраста не беше важна, туку љубопитноста.
Со оваа средба Книжевниот клуб Утопија продолжува да отвора простор за нови книжевни форми, автори и креативни искуства кои ја доближуваат литературата до пошироката публика и потсетуваат дека пишаниот збор е пред сè простор за игра, истражување и слобода.
По успешната средба со „Синхроницитети“, Книжевниот клуб Утопија продолжува со својата програма веќе на 4 јуни, кога битолската публика ќе има можност да учествува на книжевна вечер посветена на француската нобеловка Ани Ерно. Во фокусот ќе бидат нејзините капитални дела „Годините“ и „Девојчински спомени“, книги што ја вброија меѓу најважните книжевни гласови на современа Европа. Настанот ќе го збогатат проф. д-р Елисавета Поповска и почесниот конзул на Франција во Битола, Калиопа Кривашија Стилиновиќ.
Модератор ќе биде Јасмина Атанасова.
Во тек се градежните активности со кои се реконструира објектот во
населбата „Буковски ливади“, а кој ќе биде подрачно училиште на ООУ
„Коле Канински“.
Во моментот се работи на зајакнување на подни плочи и кровна
конструкција.
Според проектот предвидени се пет училници, влезен хол со пропратни
содржини, рампа за лица со попреченост, санитарни јазли, помошни
простории, заеднички простории за социјализација и мала библиотека.
Градежните активности на објектот започнаа со склучувањето на договорот
со изведувачот и надзорот, а вкупната површина на објектот кој ќе биде
нова училишна зграда е 500 м2.
Ова е еден од проектите кој го најави градоначалникот Тони Коњановски, а
активностите започнаа есента 2024 година со подготвувањето на проектната
документација.
Мицкоски за скандалот со млечните производи: Најважно е дека не постои ризик за здравјето на граѓаните
Јуни 02, 2026
Најчитани
