Во ОУ „Св. Климент Охридски“ Битола, се одржa детската, интерактивна, музичко-драмска претстава “Операта на шумските животни” во изведба на групата Триангл од Скопје.

Љубителите на култниот бенд ЕКВ и рок музиката вчера имаа можност да уживаат во мултимедијалниот настан „60 години од раѓањето на Милан Младеновиќ- како и понатаму да е тука“ што се одржа во Пациото на Завод и музеј Битола. Проектот беше насловен „Деца из воде“ посветен на музичарот, пеачот и уметникот Младеновиќ од ЕКВ чии песни и денес значат многу во антологијата на балканската рок музика. Низ песни, видео спотови, документарен филм и фотогрфии се оживеаја спомените за големиот музичар кој почина пред 24 години и култниот бенд ЕКВ чија музика и понатаму е актуелна. 

Со овој настан заврши 17-то издание на фестивалот „Битола отворен град“ во организација на МКЦ што се одржа во рамки на „Бит Фест“.

Култниот белградски алтернативен рок бенд „С.А.Р.С.“ го преполна плоштадот Гоце Делчев во Битола. Публиката ужива во нивните хитови. Бендот настапи вечерва во рамки на 17-то издание на фестивалот „Битола отворен град 2018“ во организација на Младинскиот културен центар од Битола.

 „Свеже Ампутирана Рука Сатријанија“ или скратено „С.А.Р.С.“ е српска алтернативна рок група од Белград, основана во 2006 и од тогаш до денес имаат издадено 9 албуми, многу успешни турнеи и популарни песни. Нивната музика е комбинација од поп, рок, реге, хип-хоп и блуз, со елементи од традиционалната српска народна музика.

Групата добива награда за музичко откритие за 2008 година од TV Metropolis и освојува две награди од страна на публиката во гласањето кое било организирано од интернет магазинот Popboks за најдобар дебитантски групата и најдобар сингл во 2008 година.

Годинава настапат во Битола после 7 години каде во 2011та го промовираа нивниот тогашен втор албум „Перспектива“ во рамките на фестивалот Битола отворен град.

На големиот концерт како предгрупа настапија и бендовите „THE PRODIGY live tribute band“ од Белград и “FUNK SHUI” од Скопје.

Култниот белградски алтернативен рок бенд „С.А.Р.С.“ оваа година е главна ѕвезда на 17-то издание на фестивалот „Битола отворен град 2018“ во организација на Младинскиот културен центар од Битола што ќе се одржи од 25 до 30 јуни во Битола. Големиот концерт ќе се одржи на плоштадот Гоце Делчев овој четврток со почеток од 22 часот.

Меморандум за соработка помеѓу Општина Битола и Младинскиот културен центар беше потпишан денеска, а МКЦ имаше презентација на иницијативата за формирање на Локален совет за волонтерство. Оваа иницијатива е дел од проектот „Инспирирај, вклучи се, волонтирај“, финансисран од УСАИД, кој има за цел да се зајакне активнотот младинско учество преку одржлив развој на волонтерството на локлано ниво.