АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Шампионот Христиан Илиовски Кико, во Романија го освои второто место на BMU European motocross championship, во исклучително силна конкуренција и после 5 години пауза од вакви големи интернационални натпревари. Кико блеска во новата сезона и дома и во странство, ова е неверојатен кам-бек на овој наградуван спортист, кој изминатите години паузираше заради немање на поддршка во тоа што најдобро го прави, возењето на крос-мотори.
“Се враќам на старите патеки, со нови успеси после подолга пауза. Ова е како нов убав сон и пресреќен сум, ” напиша Кико на социјални медиуми каде се заблагодари на клубот, спонзорите, фановите и неговото семејство.
Христиан Илиовски Кико направи неколкугодишна пауза, поради немање никаква поддршка за да може да се занимава со овој скап спорт. Пред почетокот на новата сезона тој доби поддршка од неколку битолски, прилепски и една грчка комапнија за да може да ја рестартира својата спортска кариера.
