По повод празникот св.Јован Богослов, во Центарот за православна христијанска веронаука се одржа изложба на слики и цртежи од школата за уметност Адамс АРТ.

На изложбата беа претставени стотина дела, насликани со техниката акрил на канвас подлога и околу двеста цртежи нацртани со различни цртачки материјали. Сите дела се создадени од децата и возрасните во периодот на 2021 и 2022 година, а како награда за успехот сите учесници добија сертификати од школата Адамс Арт. Изложбата беше успешна со голем број на посетители. Професорката Анкица Стевановска ја искористи оваа прилика да се заблагодари на сите присутни за поддршката, посебно поттикот кон најмалите да творат и креативно да се изразуваат. При тоа, најавена е и наредната изложба која ќе се одржи во месец декември со групата за возрасни од школата за уметност Адамс АРТ..