Овој викенд во Битола ќе се одржи 9-тиот турнир во фудбал „Јованчо Димовски-Начко“.  Турнирот го организира Здружението на фудбалери и спортски клубови ЗФСК „Јованчо Димовски-Начко“ од Битола. Во Битола доаѓаат членови на фудбалскиот клуб „Враниќ“ општина Барајево, близу Белград. Турнирот ќе го одбележат два натпревари во мал фудбал меѓу ветераните на двете екипи, а вториот меѓу сениорите. 

-Нашето здружение активно работи 9 години, а беше формирано по повод прераната смрт на нашиот другар Јованчо Димовски-Начко, сестран спортист и хуманист кој го сакаше фудбалот и играше мал и голем фудбал. 

          Во негова чест како здружение ги проширивме нашите пријателства со екипа од соседна Србија и сакаме да испратиме порака за пријателство, толеранција и меѓусебно почитување на Македонците и Србите како соседни и братски народи.  Очекуваме добар тек на турнирот, фер игра и се надеваме на пријатни моменти со нашите гости, вели Горан Шундовски претседател на здружението ЗФСК „Јованчо Димовски-Начко“ од Битола.