Речиси половина од присутните малолетници на журката во објект кај „Влашките гробишта“ синоќа биле пијани, потврди битолската полиција за АПЛА.мк Од присутните 73 малолетници дури кај 32 е потврдено дека консумирале алкохол. Во рутинска  акција вчера полицијата влезе во објектот, а родителите ја оценија позитивно полициската контрола . Децата за да присуствуваат на забавата плаќале 350 денари. Сега Родители бараат полицијата да ја заврши истрагата и да ги казни организаторите кои дозволиле алкохол на журката, но да се побара и одговорност од сопственикот на објектот.   

Официјално полицијата за АПЛА.мк извести- 

„Затекнати малолетници под дејство на алкохол во Битола после полноќ Вчера (24.07.2023) во временскиот период од 22.00 до 02.30 часот од страна на полициски службеници од СВР Битола, постапено е по план за „Безбедно лето 2023“, при што во објект на ул."Македонска фаланга" во Битола, затекнати се 73 деца. Во присуство на нивните родители тие се алкотестирани при што кај 32 деца е утврдено присуство на алкохол при што се предадени на родителите.