-Во периодот од 2013 до 2017 година беше имаше само една ваква акција кога се засадија 20 илјади садници. Овие бројки покажуваат дека силно сме посветени на зачувување на животната околина, и со ваквите еколошки акции и со инвестиции во технологијата, санирање на рудниците, инвестиции во термоелектраната, но и со сите  еколошки активности покажуваме дека силно сме насочени за зачувувањето на животната средина, рече Ковачевски.

И генералниот директор на РЕК Битола, Златко Ќурчиевски ја потенцираше еколошката димензија на оваа акција.

-Овие 50 илјади садници можеби се мал придонес на ЕСМ и РЕК Битола, но мислам дека се исклучително значајни за заштитат на животната средина. Денес засадуваме во делот на старите одлагалишта на пепел, со цел да го спречиме понатамошното запрашување на околните населени места, пред се на Новачката општина, но и да ја спречиме ерозијата на земјиштето. Новина оваа година е што ќе почнеме со реализација на зелениот појас во атаротона селата Агларци и Логоварди, рече Ќурчиевски

На акцијата се приклучи и Здружение на волонтери „Пелистер“ од Битола

-Ние изразивме желба да учествуваме во пошумувањето на овие површини околу РЕК Битол, а во наредните денови со нашето здружение на акцијаши-волонтери планираме да собереме ученици од средните училишта и со нивна помош да ги насадиме овие садници, рече Кире Димовски, од Здружението на влонтери „Пелистер“.

Покрај менаџерскиот тим,  вработените во РЕК Битола и волонтерите од „Пелистер“, на  почетокот на еколошката акција за пошумување  на старите одлагалишта на пепел  учествуваа  и градоначалниците на Новаци и Могила, Љубе Кузмановски и Јасмина Гулевска.

Е.М.