Webp.net gifmaker

Нови пензионерски клубови во урбаните заедници, побара Здружението на пензионери од градоначалничката Петровска

Септември 09, 2020

Во работните простории на Здружението на пензионери од Битола, се одржа работна средба на градоначалничката Наташа Петровска и претставници на Здружението на пензионери од Битола.

Претседателот на Здружението на пензионери Томе Димитровски, посочи дел од проблемите со кои се соочуваат пензионерите, при тоа изложувајќи дел од барањата  во кои можат да добијат поддршка од Општина Битола. Тој во име на пензионерите  ја истакна заложбата за поголем број на пензионерски клубови, кои би се отвориле во одредени урбани заедници. Исто така, беа посочени и одредени натамошни активности во насока на подобрување на социјалниот живот на пензионерите, како и акциите во кои што учествува Здружението на пензионери со своја помош, истакнувајќи ја и компонентата на општествената одговорност.

Од своја страна, градоначалничката Петровска посочи дека Општина Битола постојано ги поддржува активностите на Здружението на пензионери, особено нивните општествено одговорни акции и помош до категориите на граѓани и институции, на кои што таа секогаш им е добредојдена. На средбата беа договорени конкретни натамошни чекори за реализација на заеднички проекти.

Средбата се одвиваше според сите потребни здравстени протоколи и соодветно растојание.

Сподели

Login to your account

Username *
Password *
Remember Me
© 2020 АПЛА.мк. Сите права се задржани