Амбасадата на Италија го осуди вандалскиот чин на сквернавење на италијанскиот споменик подигнат во чест на паднатите италијански борци од Првата светска војна во Битола кои заедно со француските,британските…трупи се бореле против Централните сили.

– Станува збор за крајно нецивилизациски чин, којшто не може да биде одобрен за ниедно спомен обележје. Современите европски вредности подразбираат почит, без која не може да се говори за заеднички просперитет во човештвото, се нагласува во соопштението испратено од Италијанската амбасада во земјава.

Амбасадата на Италија и Општина Битола минатата година во Градскиот парк поставија спомен-плоча посветена на италијанските војници кои за време на Првата светска војна се бореле на Македонскиот фронт. Пред неколку дена споменикот беше исчкртан и испишан со „окупатори“.