Родена во Битола на 25 декември 1923 г. Основно и средно образование заврши во родниот град. Во 1938 г. замина во Белград преку Еврејското хуманитарно друштво „Визо“. Од тој период e член на југословенската комунистичка младинска организација СКОЈ. Во мај 1941 г. се врати во Битола. Во 1942 г. стана член на КПЈ. Во април 1943 г. e борец на Битолско-преспанскиот партизански одред „Даме Груев“, а набрзо потоа во Битолскиот партизански одред „Гоце Делчев“.

Кога e формирана Третата македонска народноослободителна ударна бригада на 26 февруари 1944 г. стана политички комесар на чета. Во август 1944 г. е политички комесар на баталјон во Седмата македонска ударна бригада.

Загина во борба со бугарските окупаторски војници од пограничната караула на Кајмакчелан. За народен херој на Југославија прогласена на 11 октомври 1953 г.