Од УХМР сооштија дека денес и утре ќе преовладува облачно време со врнежи од дожд на југоистокот, а на планините и на повисоките места од државата од снег. Врнежите повремено ќе преминуваат во снег и на некои пониски места, особено во ноќните и утринските часови. Пообилни врнежи ќе има денес и преку ноќта (локално во западните и северните делови над 30 л/м2). До крајот на денот во понеделник на планините ќе се формира позначителна снежна покривка, а нова од околу 15 см ќе има и речиси насекаде во западните и североисточните делови. Проретчена снежна покривка (5 см.) ќе се формира и низ Скопската Котлина.