Битола викендов е домаќин на Music Tech Fest . Битола  е првиот град во Европа  кој се приклучува со паралелен настан и поддршка кон  движењето и Манифестот на Music  Technologist со 24 часовна програма на 08 и 09 септември  во НУ Завод и Музеј Битола.

И овде целта е на едно место да се соберат: хакери, иноватори, бизнис и инкубатори и аксцелератори, социјални претприемачи, граѓански сектор, индустријата и секако музиката.

Почнувајќи од сабота во 10.00 ч, до недела до 10.00 ч. во 24 часа ќе се случуваат : панел дискусии, презентации, видеоарт, гејминг , вмрежување и музика.

• Гости и поддржувачи :
  ФИТР (Фонд за Иновации и Технолошки Развој)
  Kromberg&Schubert
  Startup Macedonia
  South Central Ventures
  Vector Capital Investments
  Tech Park Tetovo
  Chamber of Commerce
• Online:
  Fritz Christoph Angel Investor and IPO DE
  MTF Stochholm
  GAN Accelerator Nework
  SportEx SportTech Accelerator Netherlands
  IndieGOGO
  
  

Центар за културна деконтаминација Битола е поддржувач  на Music Tech Fest - Bitola

Она што започна во  Лондон ( 2012 )  како „фестивал на музички идеи“, собирајќи ја  на едно место целата музичка технолошка авангарда во еден екосистем, или изведувачи како Shazam, Spotify, Soundcloud, EMI, the BBC, Ninja Tune, Warp, WIRED, на кои им се приклучија бројни иновативни старт ап-и  хакери и истражувачи , продолжи да прераснува во „ движење “.

Веќе наредната година им се приклучија нови глобални музички имиња, и следуваа Бостон, Берлин, Париз, за оваа година домаќини на овој глобален настан да биде Стохолм – Шведска ( 3-9 Септември) .  Во 2015 г. Music Tech Fest, се прошири , вклучувајќи ги инкубаторите и аксцелераторите , социјално ранливите  групи, индустријата и сл.

Целта на овој глобален технолошко-иновативен-музички феномен е на едно место да се спојат; технолошките креативци, индустријата и бизнисот, социјалното претприемништво и прогесивната музичка уметност овозможувајќи синергија, размена на идеи, концепти,иновации , развој на нови продукти и нивна примена како во индустријата така и во социјалното претприемништво , уметноста и сл.