Магистралниот пат Прилеп- Ресен кој поради свлечиште беше затворен за сообраќај околу два месеци денеска од 12.50 часот е пуштен за сообраќај, информира АМСМ.

Сообраќајот на овој патен правец на обиколницата на Битола, беше во целосен прекин за сите видови на возила, а сообраќајот се пренасочуваше низ градот Битола.

Сообраќајка во која според читатели на апла.мк се судриле два камиона и еден  автомобил утрово после седум и пол часот предизвикала долга колона на возила и застој во сообраќајот на патниот правец Ресен –Охрид пред превојот Буково.

Читатели на апла.мк утрово  ни испратија фотографии со забелешка дека патот бил  блокиран подолго време  и дека во сообраќајката има и повредни.  

АМСМ пак на својата веб страна пишува дека сообраќајот на патниот правец Охрид - Ресен, кај м.в. Буково се одвива наизменично по една коловозна лента.

АМСМ со две различни известувања на нивната веб страница, денеска  ја збуни јавноста околу информацијата за затворањето на обиколницата.