Мајмунчето Лука, кое осум месеци мина во Зоолошката градина во Скопје, се врати во Зоолошката во Битола откако комплетно се реновираше неговото живеалиште. Во Скопје беше однесено зашто кафезот во Битола беше стар и ги немаше потребните услови.

„По само шест месеци од едно старо живеалиште кое го карактеризираа како да не наликува на живеалиште за денешни услови, старо 70 години, го претвориме во ново живеалиште со сите потребни услови, од парно, проширени внатрешен и надворешен дел , комплетна санација која нѐ чинеше околу еден милион денари за градежниот дел, од кои 500.000 денари беа обезбедени од Општина Битола, остатокот од Битолската зоолошка, а железната конструкција беше од ФОД“, рече Марјан Наловски, директор на Зоолошката градина во Битола.

Директорот рече дека мајмунчето кое е од сортата павијани добро се прилагоди во новото живеалиште. Покрај Лука, од Зоолошката градина во Скопје добија и три мајмунчиња патаси, женски ној и змија боа.

 

Лука ѝ е познат на јавноста по тоашто кога се роди мајката го отфрли, па вработените од Скопската зоолошка се грижеа за него. Потоа, беше подарено во Битола. Но, пред осум месеци на социјалните мрежи се крена голема прашина околу старото живеалиште на Лука, па мајмунчето назад си го побара и врати ЗОО градината од Скопје. Тогаш одредени здруженија побараа затворање на Зоолошката во Битола.

Советничката Тања Крнчева денес изјави дека Зоолошката во Битола не само што нема да се затвори и да се дислоцираат животните, туку ќе се претвори во едно од најубавите катчиња на Тумбе кафе. За в година најави дека ќе ги започнат пристапните преговори со ЕАЗА-Европска асоцијација на зоолошки и аквариуми.122590000 2820588761559140 192736565837956532 n

„Дури и во услови на правно нерешен статус зашто Зоолошката е под капата на Министерството за култура и се’ уште го бара своето место институционално, овој мал, но вреден колектив со натчовечки напори се обидува да даде достојна грижа за жителите. Тоа не е секогаш сјајно и за жал, не е доволно зашто верувале или не, имаме ситуација во која делови од оваа Зоолошка не се санирани 70 години. За тоа да се направи сѐ потребни крупни и сериозни инвестици. Но, локалната самоуправа безрезервно дава поддршка, финансиски и логистички, и ќе продолжи”, рече Крнчева.122497359 1663794343795853 3606499008839186467 n

122299952 620873008581455 4801136904700450272 n

122465152 1016178685515585 5176328041106606456 n

122526651 402208437454279 7735364870113148730 n

Општина Битола и годинава ќе субвнционира еколошки корисни средства за животната средина, а во следните десет дена на официјалната интернет страница на Општината ќе се споведува анкета во која граѓаните можат да изберат за што приоритетно треба да се дадат субвенциите.

„По анализите, во анкетниот лист се понудени приоритетните субвенции и тоа: инвертери, вградување на плински уреди кај постарите возила и велосипеди. Граѓаните треба да изберат еден од понудените одговори. Нивното мислење ќе има важна улога во одлуката и оваа година, општина Битола, да им помогне на нашите сограѓани, како и изминатите години наназад, да имаат услови и можност и тие со субвенции од општината да придонесат кон подобрување на животната средина. Ова е се разбира само една од активностите кои општина Битола, ќе ги спроведе во наредниот период, во очи на грејната сезона“, рече Тања Крнчева, советник од Општина Битола.

Општината изминатите две години, спроведе субвенционирање на печки на пелети и системи и велосипеди, а оваа година, локалната власт ја зеде во предвид најавата на премиерот Зоран Заев, при неговата неодамнешна посета на Битола, за субвенционирање на инвертер клими за сметка на старите печки кои користат цврст огревен материјал, дрво или јаглен.

Според резултатите од досегашната анкета, најмногу битолчани заинтересирани се да за субвенционирање инвертери, за тоа досега гласале над 65 проценти од учесниците во анкетата, над 19 проценти за велосипеди и над 15 проценти за плински уреди за постари автомобили. Од една IP адреса може да се гласа само еднаш.

Со полагање цвеќе пред споменикот на Илинден во храмот на црквата Св. Недела во Битола, започна чествувањето на големиот македонски празник Илинден. Претставници од Советот на Општина Битола положија цвеќе во име на градоначалникот Наташа Петровска, која денес присуствуваше на свечената церемонија во Крушево. Цвеќе положија и претставници од Советот на Општина Битола и политичките партии СДСМ и ВМРО-ДПМНЕ.

Кај споменикот на двата илиндена пред Центарот за култура, во чест на големиот и светол празник Илинден, делегација од Советот, предводена од советничката Виолета Дракалска, положи свежо цвеќе. Во чест на празникот и жртвите кои ги положија животите за денешната слободна Македонија, со свежо цвеќе почест им оддадоа и делегациите од Советот на Општина Битола, Општинската организација на Сојузот на борци Битола, како и политичките партии СДСМ и ВМРО-ДПМНЕ.

Login to your account

Username *
Password *
Remember Me
© 2021 АПЛА.мк. Сите права се задржани