Општина Пустец ја започна реконструкцијата на постоечката, стара училишна зграда и основањето на музеј во с. Глобочани, Пустец, активност која се реализира во рамките на проектот SMART-CUL-TOUR.

Старата училишна зграда во која се школувал Стерјо Спасе, еден од најпознатите македонски и албански писатели од втората половина на XX век, ќе прерасне во музеј во чест на овој писател. Директоратот за заштита на културно наследство од Корча ќе се погрижи за комплетниот дизајн и опремување на објектот и музејската поставка. Овие активности ќе придонесат за промоцијата на културното наследство и воедно ќе ја збогатат туристичката понуда во регионот.

Реконструкцијата на инфраструктурата во археолошкиот локалитет Хераклеја Линкестис во Битола и реконструкцијата на пристапната улица т.н. „Римски пат“, вклучително и пешачка патека до археолошкиот локалитет Хераклеја Линкестис, се останатите два големи инфраструктурни зафати кои се опфатени со овој проект.

На овој настан се обрати домаќинот, Градоначалникот на Општина Пустец, г-дин Пали Колевски и го потенцира значењето на писателот Стерјо Спасе како мост кој ги поврзува двата народи, двете култури, македонската и албанската.

Во своето поздравно обраќање, Градоначалничката на Општина Битола, Наташа Петровска; истакна: „Животот е токму ова што сме сите ние овде заедно. Во сите наши заеднички напори, заеднички активности, во секој момент, во секој наш збор се чувствува возбудата. Благодарни сме на Европската Унија за оваа можност и поддршка да ја подигнеме пограничната соработка преку инвестирање во трајните вредности во културата“.

„Регионот на Преспа, особено последниве години има симболика за мирот и добрососедството на Балканот, но пограничната област помеѓу македонската и албанската држава останува еден од економски  и инфраструктурно најслабо развиените региони на европскиот континент. За среќа, за разлика од порано сега ја имаме Европската Унија, која несебично вложува во економскиот развој на сите земји од Западен Балкани преку претпристапните фондови и дава огромен приднес за подобрување на стандардите и на овој дел од Европа.

Спомен музејот на писателот Стерјо Спасе може да биде убав симбол за нашето заедничко интегрирање во Унијата, преку културна соработка и економски развој.“- истакна Заменик-министерот за  локална самоуправа на Република Северна Македонија г-дин Зоран Димитровски во дел од своето обраќање.

На настанот се обратија и Заменик-министерката за култура на Р. Албанија,  г-а Мери Кумбе и г-дин Марин Белули, претставник на Заедничкиот технички секретаријат (Антена) во Р. Албанија.

Македонската песна „Море сокол пие“ маестрално прозвучи од гитарите на виртуозите Влатко Стефановски и Мирослав Тадиќ на концертот во Хераклеја. Беа придружувани од позната виолинистка од Лос Анџелес. 

Жените од некогашна Хераклеја косата ја украсувале со коскени игли, носеле лонулести обетки и прстени со симболи. Археолошките ископувања што беа спорведени од 2008 до 2014 година во античкиот локалитет кај Битола, освен што на површина извадија значајни артефакти, посведочија и за стилот што го имале претходничките на денешните битолчанки. Пронајдени и зачувани во збирката се раритетни примероци од накитот во Херкалеја дартиран од пред нашата ера до 7 век од новата ера.

„Кугламе и сме среќни“ е проект во целосна реализација на ЗГ „Нови перцепции“ од Битола. Се работи за афирмирање на кугларскиот спорт во Битола и Битолско кој ќе трае од 10-ти септември до крајот на календарската 2018 година.

 ЗГ „Нови перцепции“ оваа активност ја реализира во соработка со Општина Битола, Општина Могила, Општина Новаци и кугларскиот клуб „Хераклеа“ - Битола.

Проектот овозможува бесплатно да започнат да куглаат 400 ученици кои во учебната 2018/19 година запишале 9-то одделение во основните училишта од трите Општини под надзор и тренерска работа на искусни кугларски тренери од Битола. Сите активности на учениците, вклучувајќи ги тренинзите, обуките, турнирите, гостување во Скопје ќе бидат во целост покриени од страна на ЗГ „Нови перцепции“.