Алал- Апелот на Јавното претпријатие „Нискоградба“ допре до битолчани. Жителите од централното градско јадро, во делот околу Библиотеката, попладнево ги тргнаа паркираните возила, за комуналните служби утре да можат непречено да работат на чистење на улиците од снегот. Останува да се види дали повикот упатен од ЈП „Нискоградба“ ќе го послушаат и битолчаните во другите делови од градот.

Ј’зк- Дел од возилата деновиве останаа паркирани низ градските улици и покрај обилните врнежи снег. Од „Нискоградба“ се пожалија дека им попречуваат во чистењето на коловозите и дека може да дојде до оштетување на паркираните коли, па замолија за поголема соработка со цел интервенциите да се извршат побрзо и побезбедно посебно поради најавите дека се очекува нов снежен бран.